मुंबई - निवडणूक आयोगाच्या भरारी पथकाकडून करण्यात आलेल्या धडक कारवाईत मुंबईतील भायखळा परिसरात ४६ लाख २१ हजार रुपये इतकी रक्कम पकडण्यात आली आहे.
मुंबईत भरारी पथकाकडून ४६ लाख २१ हजाराची रोकड जप्त
ही कारवाई मंगळवारी २३ एप्रिलला संध्याकाळी सहा वाजण्याच्या सुमारास भगवा महल, बी.जे.मार्ग, सात रस्ता परिसरात भायखळा विधानसभा मतदारसंघातील युवराज पाटील यांच्या स्थिर तपासणी पथकाव्दारे करण्यात आली आहे. या तपासणी दरम्यान एका मारुती ईको (एम.एच.०३ बी. सी. ३१२) या वाहनाची तपासणी केली असता या वाहनात ईश्वर प्रसाद सोलंकी या व्यक्तीकडे ४६ लाख २१ हजार रुपये रक्कम आढळून आली. याबाबत आयकर विभाग अधिक चौकशी करत आहे.
