वाट पाहावी लागणार नाही, आता अ‌ॅप सांगेल बेस्ट बस कधी येणार!

मुंबईची दुसरी लाईफलाईन सध्या आर्थिक अडचणीत आली आहे. यामुळे रस्त्यावर कमी बसेस उतरवल्या जात आहेत. यामुळे तासन् तास प्रवाशांना बसची वाट बघावी लागत असल्याने प्रवाशी बेस्टपासून दुरावला होता. याचा फटका बेस्टला बसला. यामुळे प्रवाशांची संख्या ४३ लाखांवरुन २० लाखांवर आली होती. तसेच बेस्टला रोज मिळणारे उत्पन्नही कमी झाले होते. या सगळ्या समस्यांना लक्षात घेऊन आता बेस्टची बस कधी येईल, याची माहिती प्रवाशांना देता येईल, यासाठी एक अ‌ॅप बनवले आहे.

मुंबई - मुंबईकरांची दुसरी लाईफलाईन म्हणून 'बेस्ट बस'ची ओळख आहे. मात्र, या बसेस बस स्थानकावर कधी येथील याची नेमकी माहिती कोणी देऊ शकत नाही. तर रस्त्यावरील ट्राफिक आणि आर्थिक घाटा, कमी प्रमाणात काढण्यात येणाऱ्या बसेस यामुळे प्रवाशांना तासन् तास बसची वाट बघावी लागत होती. मात्र, आता बेस्टची बस कधी येईल, याची माहिती प्रवाशांना देता येईल. यासाठी एक अ‌ॅप बनवले आहे. या अ‌ॅपचे सादरीकरण आज (शनिवारी) बेस्ट उपक्रमाकडून करण्यात आले.

मुंबईची दुसरी लाईफलाईन बेस्ट सध्या आर्थिक अडचणीत आली आहे. यामुळे रस्त्यावर कमी बसेस उतरवल्या जात आहेत. यामुळे तासनतास प्रवाशांना बसची वाट बघावी लागत असल्याने प्रवाशी बेस्टपासून दुरावला होता. याचा फटका बेस्टला बसला होता. यामुळे प्रवाशांची संख्या ४३ लाखांवरुन २० लाखांवर आली होती. तसेच बेस्टला रोज मिळणारे उत्पन्नही कमी झाले होते. बेस्ट आर्थिक घाट्यात असल्याने मुंबई महानगरपालिकेकडून आर्थिक मदत मागण्यात आली. पालिकेने सुचवलेल्या सुधारणांमध्ये प्रवाशांना नेमकी बस कधी येणार याचा कालावधी समजण्यासाठी अॅपचा वापर करावा असे सुचवण्यात आले होते. त्यानुसार बेस्टने अॅप लाँच केले आहे.

हेही वाचा - बेस्ट कामगारांचे मतदान घेऊन ठरवणार संपाची दिशा - शशांक राव

बेस्टने आपल्या गाड्यांचा नेमका वेळ समजावा, म्हणून व्हीकल ट्रेकिंग सिस्टमच्या आधारावर आपले अ‌ॅप सुरु केले आहे. यासाठी इंटेलिजन्स ट्रान्सपोर्ट मॅनेजमेंट सिस्टम (आयटीएमएस)चे सादरीकरण बेस्ट समितीला करण्यात आले. या आयटीएमएस सिस्टमचे कमांड सेंटर बेस्टच्या वडाळा स्थानकावर येथे असणार आहे. प्रत्येक बसमध्ये जीपीएस सिस्टम बसवली जाणार आहे. त्यामधील सिग्नलद्वारे प्रवाशांना बस नेमकी किती वेळात पोहचेल, याची माहिती मिळणार आहे. या अॅपमध्ये बसस्थानकावर आल्यावर अलार्म वाजण्याची सुविधा आहे. बसमध्ये प्रवाशांची एखादी वस्तू राहिल्यास या अ‌ॅपवरुन प्रवाशांना तक्रारही करता येणार आहे.

तसेच बेस्टचे दिवसभरातील वेळापत्रक, बस स्थानक कुठे आहे, आदी माहिती या अ‌ॅपवर प्रवाशांना मिळणार आहे. मुंबईत ट्रॅफिकची समस्या आहे. यामुळे रिअल टाइम लोकेशनचा उपयोग होणार नसल्याने हे अ‌ॅप गुगलच्या क्राउड डाटाशी संलग्न करावे, अशी मागणी बेस्ट समिती सदस्यांनी केली आहे.

हेही वाचा - उपनगरात बेस्ट बसला लावण्यात आल्या लोखंडी जाळ्या; बेस्टला नुकसानीची धास्ती

२०० डिजिटल बोर्ड -

बेस्ट उपक्रमाच्या ६ हजार बस थांब्यांपैकी २०० ठिकाणी डिजिटल बोर्ड बसवण्यात येणार आहेत. या बोर्डावर बस येण्याची अपेक्षित वेळ प्रवाशांना दिसणार आहे. बस कधी येणार, याची माहिती मिळावी म्हणून जिओ टॅगिंग केले जाणार आहे.