मुंबई Amit Shah Lalbagh Raja Darshan : केंद्रीय गृहमंत्री अमित शाह हे लालबागच्या राजाच्या दर्शनाच्या निमित्तानं मुंबई दौऱ्यावर आहेत. आज दुपारी पावणे तीन वाजता त्यांचं मुंबईत आगमन झालं. मुंबईत आगमन झाल्याबरोबर त्यांनी सर्वप्रथम मुंबई भाजपाचे अध्यक्ष आशिष शेलार यांच्या वांद्रे पश्चिम येथील गणेशोत्सव मंडळाला सहकुटुंब भेट दिली. त्या ठिकाणी गणपती बाप्पाचं दर्शन घेतलंय. त्यानंतर त्यांनी लालबागच्या राजाचंही दर्शन घेतलंय. याप्रसंगी मुख्यमंत्री एकनाथ शिंदे मुख्यमंत्री देवेंद्र फडणवीस, भाजपा सरचिटणीस विनोद तावडे, खासदार पूनम महाजन, मुंबई भाजपा अध्यक्ष आमदार आशिष शेलार हे उपस्थित होते. (Ashish Shelars Ganeshotsav Mandal)
लालबागच्या राजाचं सहकुटुंब दर्शन : वांद्रे पश्चिम येथील आशिष शेलार यांच्या गणेश मंडळातील गणपती बाप्पाचे दर्शन घेतल्यानंतर अमित शाह यांचा ताफा लालबागच्या दिशेनं रवाना झाला होता. याप्रसंगी भाजपाचे सरचिटणीस विनोद तावडे हे अमित शाह यांच्या स्वागतासाठी पूर्वीपासूनच लालबागच्या मंडपामध्ये उपस्थित होते. लालबागच्या राजाच्या पायावर नतमस्तक होत अमित शाह यांनी सहकुटुंब लालबागच्या राजाचं दर्शन घेतलंय. याप्रसंगी त्यांच्यासोबत मुख्यमंत्री एकनाथ शिंदे, उपमुख्यमंत्री देवेंद्र फडवणीस, भाजप सरचिटणीस विनोद तावडे, मंत्री मंगलप्रभात लोढा, मंत्री दीपक केसरकर हे उपस्थित होते. (Amit Shah Mumbai Visit)
मुंबई विद्यापीठातील चर्चासत्रात होणार सहभागी : लालबागच्या राजाचं दर्शन घेतल्यानंतर अमित शाह हे मुख्यमंत्री एकनाथ शिंदे यांच्या वर्षा या शासकीय निवासस्थानी विराजमान झालेल्या गणपती बाप्पाचं दर्शन घेणार आहेत. त्यानंतर ते उपमुख्यमंत्री देवेंद्र फडवणीस यांच्या सागर या शासकीय निवासस्थानी विराजमान झालेल्या गणपती बाप्पाचंही दर्शन घेणार आहेत. केंद्रीय गृहमंत्री अमित शाहांचा हा मुंबईत केवळ 5 तासांचा दौरा आहे. गणपती बाप्पाच्या दर्शनानंतर ते सायंकाळी मुंबई विद्यापीठातील एका चर्चासत्रात सहभागी होणार आहेत. त्यानंतर ते दिल्लीला रवाना होणार आहेत. केंद्रीय गृहमंत्री अमित शाह गेल्यावर्षीही सहकुटुंब लालबागच्या राजाच्या चरणी नतमस्तक झाले होते. ते दोन दिवस मुंबई दौऱ्यावर होते.
हेही वाचा :
- Amit Shah to visit Lalbagh Raja: अमित शाह शनिवारी घेणार लालबागच्या राजाचे दर्शन, मुंबईत राजकीय खलबते होणार का?
- Ajay Devgan with son took darshan of Raja Lalbagh अभिनेता अजय देवगनने मुलासह विसर्जनापूर्वी घेतले लालबागच्या राजाचे दर्शन
- Ganesh Chaturthi 2023: आलिया भट्ट, कार्तिक आर्यन, अनन्या पांडेसह सेलेब्रिटींनी दिल्या गणेश उत्सवाच्या शुभेच्छा
