मुंबई : गुरुवारी सायंकाळी ७.३० वाजताच्या सुमारास नवी मुंबई पोलिसांच्या नियंत्रण कक्षात आलेल्या एक कॉलने पोलिसांची झोप उडवली होती. कॉलरने पोलिसांना सांगितले की, छत्रपती शिवाजी महाराज आंतरराष्ट्रीय विमानतळावर उभ्या असलेल्या विमानात बॉम्ब ठेवण्यात आला होता, जे विमान 10 तासांनंतर उड्डाण करणार होते. त्यानंतर लगेच पोलीस पथक विमानतळावर तपासात गुंतले. दुसरीकडे पोलिसांचे दुसरे पथक फोन करणाऱ्याचा पत्ता शोधत होते. त्यानंतर काही वेळाने पोलिसांना सातारा येथून फोन आल्याची माहिती मिळाली. पोलिसांचे पथक कॉल करणाऱ्या ठिकाणी पोहोचले तेव्हा फोन करणारा हा १० वर्षांचा मुलगा असल्याचे निष्पन्न झाले. तो मुलगा अपंग असून, त्याला चालता येत नाही.
मुलाने साताऱ्यातून केला होता कॉल - दिव्यांग मुलगा दिवसभर अंथरुणावर पडून राहतो आणि मनाला वाटेल तेव्हा टीव्ही आणि मोबाईल पाहतो. सूत्रांकडून मिळालेल्या माहितीनुसार, हा मुलगा मनाने कुशाग्र आहे. टीव्हीवर तो जास्त क्राईम शो बघताना त्याला समजले की कोणत्याही आपत्कालीन परिस्थितीत पोलिसांना बोलवतात. या विचाराने मुंबई पोलिसांच्या नियंत्रण कक्षाला कॉल केला जातो. एका वरिष्ठ अधिकाऱ्याने सांगितले होते की, मुंबई पोलिसांना गेल्या ७ महिन्यांत बॉम्बच्या अफवांशी संबंधित ६० कॉल प्राप्त झाले आहेत. छत्रपती शिवाजी महाराज आंतरराष्ट्रीय विमानतळावरील एका विमानात बॉम्ब ठेवल्याचा कॉल नवी मुंबईतील डायल ११२ क्रमांकावर आला होता. कॉल आल्याने सर्व यंत्रणा सतर्क झाल्या. पोलिसांच्या तपासणीत सातारा येथे राहणाऱ्या १० वर्षांच्या मुलाने कॉल केल्याचे उघड झाले आहे.
पोलीस लागले होते कामाला - नवी मुंबईतील डायल ११२ क्रमांकावर गुरुवारी हा कॉल आला होता. कॉल करणाऱ्या व्यक्तीने विमानतळावरील एका विमानात बॉम्ब ठेवला आहे. ते विमान १० तासांनी तेथून निघणार असून मदतीची आवश्यकता असल्याचे कॉल करणाऱ्या व्यक्तीने सांगितले. या माहितीनंतर डायल ११२ क्रमांकावरून तात्काळ मुंबई पोलिसांच्या नियंत्रण कक्षाला याबाबतची माहिती देण्यात आली. दहशतवाद विरोधी यंत्रणा, सहार पोलीस, बॉम्ब शोधक व नाशक पथकाला सतर्क करण्यात आले. तसेच संपूर्ण विमानतळाची कसून पाहणी करण्यात आली असल्याची माहिती एका वरिष्ठ पोलीस अधिकाऱ्याने दिली.
फेक कॉलचे प्रमाण वाढले - मुंबई पोलीस कायमच सतर्क असतात. मात्र, मागील काही दिवसांपासून मुंबई पोलिसांना धमकीचे (Mumbai Police Threat Call) फोन वारंवार येत असल्याचे समोर (Mumbai Police Hoax Call) आले आहे. याबाबत तपासणी केली असता, हे सर्व फोन फेक असल्याची माहिती पुढे आली आहे. एका आठड्यात मुंबई पोलिसांना चारवेळा धमकीचे फोन आले असल्याचे स्पष्ट झाले आहे.
हेही वाचा - Mumbai Police Threat Call : मुंबई पोलिसांना वारंवार धमकीचे फोन; हॉक्स कॉलिंगची काय आहे गडबड?
