चंद्रकांत पाटलांवर जमीन घोटाळ्याचे आरोप; विधिमंडळात विरोधकांचा गदारोळ
मुंबई - महसूल मंत्री चंद्रकांत पाटील यांच्यावर विरोधकांनी जमीन घोटाळ्याचा आरोप केला आहे. त्यावरुन आज विधानसभेत चांगलेच रान पेटले. विरोधकांनी चंद्रकांत पाटील यांच्या राजीनाम्यासाठी जोरदार घोषणाबाजी केली. त्यामुळे विधानसभेचे कामकाज १५ मिनीटे तहकूब करण्यात आले. वाचा सविस्तर -
मराठा आरक्षण न्यायालयात टिकेल? आज अंतिम निर्णय
मुंबई - मराठा आरक्षणाबाबत आज मुंबई उच्च न्यायालयात अंतिम निर्णय घेण्यात येणार आहे. मराठा समाजाने आरक्षणासाठी राज्यभर मूक मोर्चा काढले होते. त्यानंतर राज्य सरकारने मराठा समाजाला १६ टक्के आरक्षण लागू केले होते. त्यालाच मुंबई उच्च न्यायालयात आव्हान देण्यात आले होते. त्याबाबत आज दुपारी ३ वाजता न्यायालयात सुनावणी होणार आहे. वाचा सविस्तर -
हरियाणात काँग्रेस प्रवक्ता विकास चौधरी यांची भरदिवसा गोळ्या झाडून हत्या
फरीदाबाद - हरियाणातील फरीदाबाद येथे गुरुवारी सकाळी काँग्रेस प्रवक्ता विकास चौधरी यांच्यावर भरदिवसा गोळीबार करण्यात आला. यात ते गंभीर जखमी झाले होते. त्यांना सर्वोदय रुग्णालयात दाखल केले असता त्यांना मृत्यू घोषित करण्यात आले. वाचा सविस्तर -
पतीला नको होते मुल, बाळाला जन्म देऊन महिलेची आत्महत्या
पालघर - विमा क्षेत्रातील एका अधिकारी महिलेने आपल्या पतीच्या त्रासाला कंटाळून आत्महत्या केल्याची धक्कादायक घटना वसई येथे घडली आहे. ज्योतिबाला वर्मा असे या आत्महत्या केलेल्या महिलेचे नाव आहे. महिला गर्भवती असताना गर्भपात करावा, अशी तिच्या पतीची मागणी होती. मात्र महिलेला आपल्या मुलाला जन्म द्यायचा होता. या कारणावरून पती सातत्याने तिला त्रास देत होता. वाचा सविस्तर -
...अन् मलायकाने दिली प्रेमाची कबुली, अर्जुनसोबतचा 'हा' फोटो केला शेअर
मुंबई - बॉलिवूडमध्ये बऱ्याच दिवसापासून अर्जुन कपूर आणि मलायका अरोरा यांच्या अफेअरची चर्चा सुरू होती. अरबाज खानसोबत घटस्फोट झाल्यानंतर अर्जुन आणि मलायकाच्या नात्याच्या चर्चा सुरू झाल्या होत्या. या चर्चा थेट लग्नापर्यंतदेखील पोहोचल्या होत्या. दोघांनी कधीच त्याचं प्रेम जगासमोर मान्य केलं नव्हतं. मात्र, अर्जुनच्या वाढदिवसानिमित्त मलायकाने पहिल्यांदाच अर्जुनसोबतचा एक फोटो शेअर करून प्रेमाची कबुली दिली आहे. वाचा सविस्तर -
