लातूर - परंपरेप्रमाणे यंदाही लातूरतील बाभळगावत दसरा महोत्सव पार पडला. देशमुख कुटुंबातील आ. अमित देशमुख, धीरज देशमुख आणि रितेश देशमुख हे या मेळाव्याला आई वैसाली देशमुख यांच्यासह उपस्थित होते. यावेळी त्यांनी आपल्या जन्मभूमीतील आठवणींना उजाळा दिला. रितेश देशमुख यांनी वडील विलासराव देशमुख यांच्या आठवणी सांगताच वैशालीताई या भावनिक झाल्याचे पहायला मिळाले. दरम्यान, निवडणुकीच्या काळातदेखील या मेळाव्यात राजकीय भाष्य करणे या भावांनी टाळले.
बाभळगावात हेणारा हा दसरा मेळावा विलासराव देशमुखांनी कधीही चुकवला नाही. हीच परंपरा आजही कायम आहे. यानिमित्ताने आज अमित, रितेश आणि धीरज यांनी लहानपणीच्या आठवणींना उजाळा दिला. ज्या मातीत आम्ही घडलो ती मातीच वेगळी आहे. या गावच्या ग्रामस्थांच्या आशीर्वादाने आज देशमुख कुटुंबातील प्रत्येकजण वेगवेगळ्या क्षेत्रात ठसा उमटवत असल्याची भावना त्यांनी व्यक्त केली. उपस्थित मान्यवरांनीही दसऱ्यानिमित्त विलासराव देशमुख असतानाच्या आठवणींना उजाळा दिला.
हेही वाचा - विधासभेच्या निवडणुकांमध्ये महाआघाडीचेच वर्चस्व राहणार; अमित देशमुखांना विश्वास
यावेळी आ. अमित देशमुख म्हणाले, "बाभळगावत चर्चा होत असेल की वाड्यावर काय चाललंय. पण वाड्यावर दुसरं-तिसरं काही नाही तर बाभळगावच्या विकासाबाबत विचारमंथन वाड्यावर ज्याप्रमाणे आमचा हक्क आहे प्रत्येकाचा आहे"
