औस्यात भाजपकडून अभिमन्यू पवारांचा उमेदवारी अर्ज दाखल; भर पावसात शक्तिप्रदर्शन

औसा येथे भाजपच्यावतीने अभिमन्यू पवार यांनी जोरदार शक्तीप्रदर्शन करत भर पावसात उमेदवारी अर्ज दाखल केला. अभिमन्यू पवार यांची उमेदवारी दाखल करताना रॅलीवेळी जोरदार पावसाला सुरुवात झाली. याच पावसात भाजप, सेनेचे पदाधिकारी व कार्यकर्त्यांचा मोठा सहभाग होता.

लातूर - भाजपमधील अंतर्गत मतभेद उमेदवारी दाखल करण्याच्या शेवटच्या दिवशीही कायम राहिले. भाजपकडून अभिमन्यू पवार यांनी उमेदवारी अर्ज दाखल केला तर, त्यांना विरोध करणाऱ्या येथील 3 भूमिपुत्रांनी अर्ज दाखल केला आहे. त्यामुळे औसा येथील रंगत वाढली असून आता ऐनवेळी कोण माघार घेणार हे पाहणे महत्वाचे ठरणार आहे.

हेही वाचा - खडसे, बावनकुळे अन् तावडेंच्या उमेदवारीवर मुख्यमंत्री म्हणाले...

औसा येथे भाजपच्यावतीने अभिमन्यू पवार यांनी जोरदार शक्तीप्रदर्शन करत भर पावसात उमेदवारी अर्ज दाखल केला. अभिमन्यू पवार यांची उमेदवारी दाखल करताना रॅलीवेळी जोरदार पावसाला सुरुवात झाली. याच पावसात भाजप, सेनेचे पदाधिकारी व कार्यकर्त्यांचा मोठा सहभाग होता. यावेळी उमेदवार अभिमन्यू पवार, सेनेचे जिल्हाप्रमुख संतोष सोमवंशी, माजी खासदार सुनिल गायकवाड यांच्यासह अन्य नेतेमंडळी मोठ्या संख्येने उपस्थित होते. रॅली तहसील कार्यालय परिसरात येताच पावसाला सुरुवात झाली. मात्र, भर पावसात कार्यकर्त्यांचा उत्साह शिघेला पोहचला होता.

हेही वाचा - युतीत 'बंड'खोरांची लाट; एकमेकांविरोधात उभे 'ठाक'

चार भूमीपुत्रांनीही केले अर्ज दाखल

अभिमन्यू पवार यांच्या उमेदवारीला विरोध करत मतदारसंघातील तिघांनी उमेदवारी अर्ज दाखल केले आहेत. यामध्ये सेनेचे माजी आमदार दिनकर माने, भाजपचे स्थानिक नेते किरण उटगे, बजरंग जाधव, किरण वळके पाटील यानी आजच उमेदवारी अर्ज दाखल केला. त्यामुळे अंतर्गत गटबाजीचे दर्शन उमेदवारी दाखल करण्याच्या शेवटच्या दिवशी पहायला मिळाले.