कोल्हापूर - छत्रपती राजाराम साखर कारखान्याच्या 35 व्या सर्वसाधारण सभेत पुन्हा एकदा महादेवराव महाडिक आणि सतेज पाटील गट आमने-सामने आलेत. यावेळी महादेवराव महाडिक यांचे भाषण सुरू असताना पाटील समर्थकांकडून मोठ्या प्रमाणात घोषणाबाजी करण्यात आली. शिवाय पाटील गटाकडून भर सभेत पत्रकंसुद्धा भिरकावण्यात आली. यानंतर दोन्ही बाजूकडून नेत्यांच्या समर्थनार्थ घोषणाबाजी करण्यात आली.
हेही वाचा - दोन आत्मासमर्पित नक्षलवाद्यांवर नक्षलवाद्यांचा गोळीबार ; एक ठार तर एक जखमी
राजाराम कारखान्याची प्रत्येक सभा वादग्रस्त होते. त्यामुळे सर्वसाधारण सभेकडे सर्वांचे लक्ष असते. यावेळच्या 35 व्या सभेतसुद्धा मोठ्या प्रमाणात नेत्यांच्या समर्थनार्थ घोषणाबाजी करत गोंधळ घालण्यात आला. पोलिसांच्या हस्तक्षेपानंतर दोन्हीकडच्या कार्यकर्त्यांना शांत करण्यात आले आहे.
हेही वाचा - भाजपची आज तिसरी मेगाभरती, हर्षवर्धन पाटलांसह गणेश नाईकांचा प्रवेश
