जालना - केंद्रीय मंत्री रावसाहेब दानवे व बदनापूरचे आमदार नारायण कुचे यांनी कोरोनाच्या पार्श्वभूमीवर तहसील कार्यालयात आढावा बैठक घेतली. यावेळी त्यांनी रेशन व आरोग्य सेवा सुरळीत पार पाडण्यासंबंधी माहिती घेतली; आणि सूचना देखील दिल्या.
जालन्यात आढावा बैठक; रावसाहेब दानवेंसह आमदार कुचे उपस्थित
उपविभागीय अधिकारी, तहसीलदार, पोलीस निरीक्षक, आरोग्य अधिकारी, नगर पंचायतचे अधिकारी, तालुका कृषी अधिकारी यांच्याकडून लॉकडाऊन दरम्यान सुरू असलेल्या कामाची पाहाणी करण्यात आली. येणाऱ्या महिन्यांमधील विविध सण व उत्सव नागरिकांनी घरातच साजरे करावे, असे आवाहन त्यांनी केले. केंद्र सरकारने राज्यात अन्नधान्याचा पुरवठा केला असून राज्य शासनाने देखील तीन महिन्यांचे रेशन एकत्रित वाटावे, असे मागणी त्यांनी केली.
