जालना - अवकाळी पावसाने शेतपिकांचे मोठे नुकसान केले आहे. यामुळे शेतकऱ्यांना मोठा आर्थिक फटका बसला आहे. अशातच भोकरदनमध्ये कापूस वेचणीसाठी मजूर मिळत नसल्याने शेतकऱ्यांच्या अडचणी वाढल्या आहेत. मजुरांच्या घरी जाऊन कापूस वेचणीला येण्याची विनवणी करावी लागत आहे.
मागील काही दिवसांत परतीच्या पावसामुळे शेतकऱ्यांच्या शेतामध्ये पावसाचे पाणी साचले होते. शेतकऱ्यांनी मका, सोयाबीन, बाजरी हे पिके सांगून ठेवली होती. ती पावसाच्या पाण्यात भिजली. त्याला कोंब फुटल्याने शेतकऱ्यांचे मोठ्या प्रमाणात नुकसान झाले आहे.
हेही वाचा - शेतकऱ्यांना हेक्टरी ५० हजारांची मदत द्या; आपचे धरणे आंदोलन
आर्थिक संकटात सापडल्याने शेतकरी हवालदिल झाले आहे. अशातच कपाशीला बोंडे फुटली होती. त्याची वेचणी करण्यासाठी सर्व शेतकऱ्यांनी कामाला सुरुवात केली आहे. मात्र, वेचणी करण्यासाठी मजूर मिळत नसल्याने शेतकऱ्यांपुढे अ़डचण निर्माण झाल्या आहेत. दरम्यान, मजूर मिळत नसल्याने काही शेतकरी शहरातील मजूर स्वतः खर्च करून मजुरांना नेत असल्याचे शेतकऱ्याने सांगितले आहे.
