लॉकडाऊनमुळे हाताचे काम गेल्याने आली चोरीची वेळ; २ महिन्यात १८ सायकली चोरणाऱ्याला अटक

गणेश हा बँड पथकात वादक म्हणून काम करत होता. परंतु, कोरोनामुळे लॉकडाऊन झाल्यानंतर त्याच्या हाताचे काम गेले. त्यामुळे तो गुन्हेगारीकडे वळला होता. गणेश हा बुधवारी शहरात संशयितपणे फिरत होता. शहर पोलिसांच्या गस्ती पथकातील कर्मचाऱ्यांना संशय आल्याने त्याला हटकले. त्याच्या खिश्यात चाब्यांचा गुच्छा होता. पोलिसांनी त्याला ताब्यात घेऊन चौकशी केली.

जळगाव - गेल्या २ महिन्यात १८ सायकली चोरणाऱ्या एका चोरट्याला जळगाव शहर पोलिसांनी बुधवारी (आज) अटक केली. गणेश दौलत साबळे (वय ४२, रा. खडका रोड, भुसावळ) असे चोरट्याचे नाव आहे. गणेश हा बँड पथकात वादक म्हणून काम करत होता. परंतु, कोरोनामुळे लॉकडाऊन झाल्यानंतर त्याच्या हाताचे काम गेले. त्यामुळे तो गुन्हेगारीकडे वळला होता. गणेश हा बुधवारी शहरात संशयितपणे फिरत होता. शहर पोलिसांच्या गस्ती पथकातील कर्मचाऱ्यांना संशय आल्याने त्याला हटकले. त्याच्या खिश्यात चाब्यांचा गुच्छा होता. पोलिसांनी त्याला ताब्यात घेऊन चौकशी केली. त्याने सायकल चोरी करीत असल्याची कबुली दिली. त्याच्याकडून एकूण १८ सायकली हस्तगत करण्यात आल्या आहेत.

...म्हणून करावी लागली चोरी

कोरोनामुळे सर्वच लहान मोठे उद्योग बंद झाले आहेत. अनेकांचा रोजगारही गेला आहे. अशात हातावर पोट असणाऱ्या गोर गरिबांना या लॉकडाऊनचा सर्वाधिक फटका बसतो आहे. त्यामुळे घरातील चूल पेटविण्यासाठी काहींना नाईलाजाने गुन्ह्यांचा मार्ग निवडावा लागत असल्याचे चित्र या घटनेच्या निमित्ताने समोर येत आहे. अशाच विवंचणेतून जळगावमधील गणेशला चोरीचा मार्ग निवडावा लागल्याचे पोलिसांनी सांगितले आहे.

हजार-बाराशे रुपयात विकायचा सायकल

जळगाव शहरात येऊन सायकल चोरायची. त्यानंतर चोरीची सायकल भुसावळला नेऊन विकायची, असा त्याचा दिनक्रम सुरू झाला. दोन महिन्यात त्याने तब्बल १८ सायकली चोरल्या. या सायकली तो हजार-बाराशे रुपयात विकत होता. अटक केल्यानंतर त्याने सुरुवातीला ६ सायकली काढून दिल्या. यानंतर पुन्हा पोलिसी खाक्या दाखवताच त्याने १८ सायकली चोरल्याची कबुली दिली. त्याच्याविरुद्ध शहर पोलीस ठाण्यात गुन्हा दाखल करण्यात आला आहे.

हेही वाचा-special friendship - नागपुरातील अनन्याने साधली कोकिळेशी खास मैत्री