जळगावात 'धुळवड' जल्लोषात साजरी

जळगाव शहरातील विविध कॉलन्या तसेच उपनगरांमध्ये सकाळपासूनच धुळवडीचा उत्साह पाहायला मिळाला. आबालवृद्ध धुळवडीचा आनंद लुटण्यासाठी घराबाहेर पडले होते. ठिक-ठिकाणी गाण्यांच्या तालावर तरुणाई थिरकत होती.

जळगाव - जगभरात कोरोना व्हायरसने धुमाकूळ घातला आहे. भारतातही आता कोरोनाचा शिरकाव झाल्याचे पाहायला मिळत आहे. होळी आणि धुळवडीच्या सणावर देखील कोरोनाचे सावट आहे. मात्र, जळगावात कोरोनाची भीती दूर सावरत धुळवड जल्लोषात साजरी झाली. शहरासह जिल्ह्यात ठिकठिकाणी तरुणाई धुळवड साजरी करण्यासाठी हिरीरीने बाहेर पडली होती. सप्तरंगांची मुक्त उधळण करत तरुणाईने धुळवड साजरी केली.

हेही वाचा - जळगावात स्वच्छतेचा उडाला बोजवारा; पालिका मक्तेदारावर मेहेरबान