महामार्ग ठरतोय मृत्यूचा सापळा, दोन महिन्यांमध्ये ३७ जण ठार

एरंडोल आणि हिंगोणामध्ये झालेल्या अपघातांनी तर उभ्या महाराष्ट्राला धडकी भरवली होती. 23 डिसेंबर 2019 रोजी खराब रस्त्यामुळे रॉड तुटून ट्रक ऑटोवर आदळला होता. यात ९ जणांचे बळी गेले होते. त्यानंतर 2 जानेवारी 2020 रोजी हिंगोणामध्ये ट्रक आणि प्रवाशी वाहतूक करणाऱ्या वाहनांमध्ये झालेल्या अपघातात जागेवरच 12 जणांचा मृत्यू झाला होता. हे दोन अपघात समाजमनाला चटका लावणारे ठरले.

जळगाव - जिल्ह्यातील जळगाव-धुळे राष्ट्रीय महामार्गासह राज्य मार्गावर गेल्या ६४ दिवसांमध्ये ३७ जणांचा बळी गेल्याचे समोर आले आहे. वाळूची वाहने, भरधाव वेगाने जाणारे ट्रक, मद्यप्राशन करून वाहन चालविणारे चालक अक्षरश: नागरिकांच्या जीवावर उठले आहेत. काही ठिकाणी खराब रस्ते अपघाताला कारणीभूत ठरत आहेत.

एरंडोल आणि हिंगोणामध्ये झालेल्या अपघातांनी तर उभ्या महाराष्ट्राला धडकी भरवली होती. 23 डिसेंबर 2019 रोजी खराब रस्त्यामुळे रॉड तुटून ट्रक ऑटोवर आदळला होता. यात ९ जणांचे बळी गेले होते. त्यानंतर 2 जानेवारी 2020 रोजी हिंगोणामध्ये ट्रक आणि प्रवाशी वाहतूक करणाऱ्या वाहनांमध्ये झालेल्या अपघातात जागेवरच 12 जणांचा मृत्यू झाला होता.

महामार्ग ठरतोय मृत्यूचा सापळा, दोन महिन्यांमध्ये ३७ जण ठार

महामार्गावरील आहुजा नगरजवळ 18 जानेवारीला भरधाव ट्रकने दिलेल्या धडकेत जळगाव शहरातील दाम्पत्य ठार झाले होते. याच दिवशी दूरदर्शन टॉवरजवळ भरधाव कंटेनरने दुचाकीस्वाराला तर कुसुंबा येथे एका विवाहितेला ट्रकने चिरडले. जिल्ह्यात सर्वाधिक अपघात वाळूचे डंपर आणि ट्रकमुळे झाले आहेत. महाराष्ट्रात अपघातात ठार झालेल्यांच्या आकडेवारीत जळगाव जिल्हा सहाव्या क्रमांकावर आहे.

हेही वाचा - उत्तर प्रदेश : कार आणि बसच्या भीषण अपघातात पाच जण जागीच ठार

यावर कारवाईचा आरटीओ आणि पोलीस निव्वळ देखावा करत आहेत. अवैध प्रवासी वाहतूक करणाऱ्या वाहनमालकांकडून पोलीस हप्ते घेतात. मुळात बेरोजगार असलेल्या तरुणांनी रोजगाराचे साधन म्हणून प्रवासी वाहतूक करणारी वाहने घेतली. काही वाहनांना सरकारने परवाने दिले. याच वाहनधारकांकडून पोलीस हप्ते गोळा करतात. नियमांचे उल्लंघन केले तर कारवाई व्हायलाच हवी, पण हप्तेखोरी कशासाठी? असा सवाल या वाहनधारकांकडून केला जात आहे.

गेल्या दोन महिन्यांमध्ये झालेले अपघात

तारीख	ठिकाण	आकडेवारी
16 डिसेंबर 2019	कुसुबा, ता. जळगाव	१ ठार
23 डिसेंबर 2019	पिंपळकोठा	९ ठार
18 जानेवारी 2020	बभोरी	२ ठार
19 जानेवारी 2020	किनोद	३ ठार
2 फेब्रुवारी 2020	हिंगोणा	१२ ठार
4 फेब्रुवारी 2020	नशिराबाद	१ ठार
5 फेब्रुवारी 2020	कुसुबा	१ ठार
8 फेब्रुवारी 2020	आहुजा नगर	२ ठार
9 फेब्रुवारी 2020	विचखेडा	3 ठार

11 फेब्रुवारी 2020	नशिराबाद	१ ठार
21 फेब्रुवारी 2020	खोटे नगर	१ ठार
22 फेब्रुवारी 2020	जळगाव-औरंगाबाद मार्ग	१ ठार

हेही वाचा - LIVE: दिल्ली हिंसाचार: मृतांचा आकडा २० वर; दीडशेहून अधिक जखमी

या अपघातांमध्ये ४० वर्षांच्या आतील नागरिकांच्या मृत्यूची संख्या जास्त आहे. घरातील कर्ता पुरुष ठार झाल्याची आकडेवारीही जास्त आहे. समांतर रस्त्याचा प्रश्‍न मार्गी न लागणे, याला कारणीभूत आहे.