हिंगोली - प्रत्येक व्यक्तीसाठी शरीर हे खूप अमूल्य असते. मात्र, प्राणज्योत मालवल्यानंतर हेच शरीर इतरांसाठी जीवनदान ठरू शकते. त्यासाठी प्रत्येकाने अवयवदान केले पाहिजे. या संदर्भात जनजागृती व्हावी या हेतूने, हिंगोली येथील अखिल भारतीय मारवाडी महिला संमेलन, शाखा हिंगोली आणि नेत्रदान समितीच्या वतीने शहरातून जनजागृती रॅली काढण्यात आली.
हिंगोलीत अवयदान जनजागृती फेरी
यामुळे आपले अमूल्य अवयव हे जाळून नष्ट करण्यापेक्षा कोणाच्या तरी जीवनाला सावरण्यासाठी दान केले पाहिजे. हाच एकमेव संदेश देण्यासाठी सर्व महिला डॉक्टर, मारवाडी महिला संघ आणि नेत्रदान संघटनेच्या वतीने ही रॅली काढण्यात आली होती. या जनजागृती मोहिमेला चांगला प्रतिसाद मिळेल,अशी अपेक्षा यावेळी महिला डॉक्टरांनी व्यक्त केली आहे.
