धुळे - जिल्ह्यातील लोणखेडी येथील अल्पवयीन मुलीवर लैंगिक अत्याचार करणाऱ्या नराधमाला पोलिसांनी अटक केली आहे.
धुळ्यात अल्पवयीन मुलीवर अत्याचार, फरार नराधमाला अटक
जिल्ह्यातील लोणखेडी शिवारातील एका अल्पवयीन मुलीवर रमेश पवार या नराधमाने लैंगिक अत्याचार केल्याची धक्कादायक घटना घडली होती. पीडित मुलगी लोणखेडी शिवारातील शेतात राहते. ती शाळा संपल्यानंतर गावातून शेतातील घराकडे जात होती. त्यावेळी रमेशने तिला दुचाकीवरून घरी सोडतो असे सांगून, लोणखेडी जवळील उमरा नाल्यात नेले. तेथे तिच्यावर जबरीने लैंगिक अत्याचार केल्यानंतर आरोपी रमेशने तेथून पळ काढला.
