धुळे - कोरोना विषाणूचा वाढता प्रसार लक्षात घेता सगळीकडेच काळजी घेण्यात येत आहे. धुळ्यातील एका नववधू-वराने एका लग्नात मास्कचा वापर केला. तसेच वऱ्हाडींनासुद्धा मास्क देण्यात आले होते. विवाहाला आलेल्या कोणालाही कोरोना विषाणूचा संसर्ग होऊ नये, यासाठी ही खबरदारी घेण्यात आली.
दोंडाईचा येथे हे आज (शुक्रवारी) हा विवाह पार पडला. या विवाह सोहळ्यात वधू-वर वऱ्हाडी मंडळीसोबत भटजी बुवांनी देखील मास्क लावून लग्न समारंभाचा विधी पार पाडला. वधू-वरांनी तोंडाला मास्क लावूनच एकमेकांना हार गळ्यात घातला. मास्क लावूनच लग्न समारंभाच्या सर्व विधी पार पाडले. कोरोना विषाणूच्या वाढता प्रसार बघता खबरदारीचा उपाय म्हणून लग्नसमारंभात वाघ व मगरे कुटुंबीयांनी संपूर्णतः काळजी घेतल्याचे बघावयास मिळाले.
हेही वाचा - कोरोनाचे ३ नवीन रुग्ण, राज्यात कोरोनाग्रस्तांची संख्या ५२ च्या घरात
