धुळे - तालुक्यातील सोनगीर येथे पैशाच्या वादातून एका व्यक्तीला जिवंत जाळल्याची धक्कादायक घटना शुक्रवारी रात्री घडली आहे. याप्रकरणी दोन जणांना अटक करण्यात आली असून, या घटनेमुळे सोनगीर गावात एकच खळबळ उडाली आहे.
हेही वाचा - पुण्यात सराईत गुन्हेगाराची डोक्यात फरशी घालून हत्या
नंदकिशोर आधार पाटील (वय-41) यांची पैशांच्या वादातून गावातीलच घनश्याम गुजर, मंगेश गुजर आणि मख्खन गुजर या तिघांनी शुक्रवारी रात्री पेट्रोल टाकून जिवंत जाळल्याची धक्कादायक घटना घडली आहे. नंदकिशोर यांचे आरोपींकडे एक लाख रुपये थकीत होते. आरोपींनी नंदकिशोर यांना सोनगीर फाटा याठिकाणी बोलावून त्यांच्यावर धारदार शस्त्राने वार केले. यानंतर त्यांच्या अंगावर पेट्रोल टाकून त्यांना जिवंत जाळले. यात नंदकिशोर पाटील हे 90 % जळाले होते. शनिवारी पहाटेच्या सुमारास त्यांचा मृत्यू झाला. या घटनेनंतर पोलिसांनी आरोपी घनश्याम गुजर, मंगेश गुजर आणि मक्खन गुजर या तिघांना अटक केली आहे. दरम्यान या घटनेमुळे सोनगीर गावात एकच खळबळ उडाली असून या घटनेचा पोलीस पुढील तपास करीत आहेत.
