चंद्रपूर - जिल्ह्यातील गोंडपिपरी तालुक्यात येणाऱ्या गोजोली गावातील बोअरवेलच्या पाण्यात एक फुटाचा नारू सदृश्य जंतू आढळून आला आहे. गावात पिण्याचा पाण्याच्या इतर सुविधा नसल्याने बोअरवेलच्या गढूळ पाण्यावर गावाकरी तहान भागवित आहेत. त्यामुळे गावाचे आरोग्य धोक्यात आले आहे.
बोअरवेलच्या पाण्यात आढळला एक फूटाचा जंतू
गोंडपिपरी तालुक्यातील चक गोजोली येथील बोअरवेलमधून गढूळ पाणी येत आहे. जवळपास गावातील पाचशे नागरिक या बोअरवेल मधील पाण्याने तहान भागवितात. आज पाणी भरताना नारू सदृश्य जंतू आढळून आला. जवळपास एक फूट लांबीचा हा जंतू आहे. या बोअरवेल मधील पाणी नागरिक पिण्यासाठी वापरत असल्याने त्यांच्या आरोग्याला धोका निर्माण झाला आहे.
