बुलडाणा - खामगावामध्ये गुरुवारी सकाळी राष्ट्रीय महामार्गावर ट्रक अडवून लूटमार करण्यात आल्याची घटना घडली होती. तर यापूर्वी बुधवारी मध्यरात्री संग्रामपूर तालुक्यातील आवार कोद्री रस्त्यावर ३ चोरट्यांनी दुचाकीस्वाराला मारहाण करुन बळजबरीने 2 मोबाईलसह 15 हजार रोख हिसकावून पळून गेल्याची घटना घडली आहे. दरम्यान, एक व्यक्ती गंभीर जखमी झाला असून अकोला येथे उपचारासाठी हलविण्यात आले आहे.
हेही वाचा -परवाना नसलेल्या बंदुकीची गोळी लागून मेव्हणी जखमी, जि.प. सदस्य अटकेत
कोद्री येथील भारत वानखडे हे आपल्या गावाकडे जात असताना दुचाकी नादुरुस्त झाल्याने वानखडे यांनी आवार येथील मित्र शेख राजीक यांना दुरध्वनीव्दारे दुचाकी नादुरुस्त झाल्याची माहिती देऊन कोद्री गावात सोडण्यास सांगितले. यावरून शेख राजीक व संतोष गायगोळ हे दुचाकी घेऊन घटनास्थळी आले असता, शेतात दबा धरून बसलेल्या ३ चोरट्यांनी फायटर व पाईपद्वारे भारत वानखडे, शेरव राजीक, संतोष गायगोळ यांना जबर मारहाण करुन दोन मोबाइल व खिशातील १५ हजार रोख हिसकावून घेतली. व तेल्हाराकडे धुम ठोकली.
चोरटे हिंदी भाषेत मागणी करत होते असे वानखडे यांनी सांगितले. दरम्यान, घटना स्थळावरुन शेख राजीक यांनी शेताकडे पळ काढल्याने व आवार वासियांना दुरध्वनीद्वारे घटनेची माहिती दिली असता गावकरी ऑटोने घटनास्थळी मदतीसाठी येत असल्याची भनक त्यांना लागली. त्यामुळे पळून गेले.
संतोष गायगोळ यांना डोक्याला व डोळ्यांना गंभीर मार लागण्याने अकोला येथील खासगी रुग्णालयात हलविण्यात आले आहे. या प्रकरणी आज गुरुवारी तामगाव पोलिसात गुन्हा दाखल करण्यात आला आहे.
हेही वाचा - विवाहबाह्य संबंधातून प्रियकराच्या मदतीने पत्नीने केला पतीचा खून
