बुलडाणा - सातारा, सांगली आणि कोल्हापूरमधील पूरग्रस्तांना सर्वांनी सर्वोतोपरी मदत करण्याचे आवाहन बुलडाणा जिल्ह्याचे पालकमंत्री डॉ. संजय कुटे यांनी केले. आज बुलडाण्यात येथे जिल्हा पोलीस अधीक्षक कार्यालय व शहर पोलीस ठाण्याच्या नवीन इमारतीचे भूमिपूजन कुटे यांच्या हस्ते झाले, त्यावेळी ते बोलत होते.
पूरग्रस्तांना मदत करण्याचे पालकमंत्री डॉ. संजय कुटेंचे आवाहन
सातारा, सांगली आणि कोल्हापूरमध्ये पुराच्या पाण्यामुळे जनजीवन विस्कळीत झाले आहे. ज्यांना-ज्यांना पुराच्या पाण्याचा फटक बसला आहे अशा नागरिकांना मदत करण्याचे आवाहन यावेळी कुटे यांनी केले. पुणे आयुक्त कार्यालयामार्फत पूरग्रस्तांना मदतीसाठी वेगवेगळ्या पथकाचे गठन केले आहे.
