बुलडाणा - जिल्ह्यातील पोलीस दलाची शान समजला जाणारा श्वान रॉकी याचा अल्पशा आजाराने मृत्यू झाला. त्याच्यावर मुंबई येथे उपचार सुरू होते. बुधवारी शासकीय इतमामात रॉकीवर अंत्यसंस्कार करण्यात आले.
बुलडाणा पोलीस रॉकीबद्दल प्रतिक्रिया देताना
रॉकी हा महाराष्ट्र पोलीस दलामध्ये कार्यरत होता. त्याने आतापर्यंत अतुलनीय अशी कामगिरी केली आहे. राज्यासह देशात पोलीस कर्तव्य मेळावा स्पर्ध्येमध्ये सलग ४ वर्षे रॉकीने सुवर्णपदक जिंकले होते. जिल्ह्यातील नव्हे परजिल्ह्यातसुद्धा अनेक तपास प्रकरणांमध्ये रॉकीची कामगिरी अतुलनीय होती.
रॉकी ७ मार्चपासून आजारी होता. रॉकीला कावीळ झाली होती. मुंबई येथे त्याला उपचारासाठी दाखल करण्यात आले होते. परंतु, उपचारादरम्यान त्याचा झाला. बुलडाणा पोलीस दलाने रॉकीला मानवंदना देवून अखेरचा निरोप दिला. रॉकीच्या जाण्यामुळे पोलीस दलाची फार मोठी हानी झाली असल्याची प्रतिक्रिया बुलडाणा पोलिसांनी दिली.
