बुलडाण्यातील तिघांना डिस्चार्ज; डॉक्टरांसह जिल्हाधिकाऱ्यां दिला टाळ्यांनी निरोप

कोरोनाबाधित रुग्णाच्या संपर्कात आलेल्या चार रुग्णांपैकी तिघांवर उपचार करून त्यांना डिस्चार्ज देण्यात आला आहे. संबंधितांना डिस्चार्ज देताना जिल्हाधिकरी सुमन चंद्रा यांसह सर्व वैद्यकीय अधिकारी आणि कर्मचाऱ्यांनी टाळ्या वाजवून त्यांना निरोप दिला.

बुलडाणा - कोरोनाबाधित रुग्णाच्या संपर्कात आलेल्या चार रुग्णांपैकी तिघांवर उपचार करून त्यांना डिस्चार्ज देण्यात आला आहे. जिल्ह्यात पहिला मृत्यू झालेल्या रुग्णाच्या ते संपर्कात आले होते. यावेळी जिल्हाधिकारी सुमन चंद्रा, निवासी उपजिल्हाधिकारी रामेश्वर पुरी तसेच जिल्हा शल्यचिकित्सक डॉ.प्रेमचंद पंडित उपस्थित होते. यांसोबतच डॉ.मोहम्मद अस्लम, डॉ.भागवत भुसारी, डॉ.सचिन वासेकर यांच्या सह नर्सेस आणि सफाई कामगारांनी टाळ्या वाजवून निरोप दिला.

बुलडाण्यात 29 मार्चला कोरोना पॉझिटिव्ह रुग्ण आढळल्याने त्याच्या संपर्कातील व्यक्तींना देखील रुग्णालयात दाखल करण्यात आले. यानंतर त्यांच्या स्वॅबचे नमूने घेण्यात आले होते. यावेळी चौघांना कोरोनाचा संसर्ग असल्याचे स्पष्ट झाले होते. दरम्यान, या रुग्णांचे पुन्हा दोन वेळा स्वॅबचे नमुने तपासणीसाठी पाठवले होते. यापैकी तीन रुग्णांचे अहवाल निगेटिव्ह आल्याने त्यांना 14 दिवस क्वारंटाईन करण्यात आले होते. आज त्यांना स्त्री रुग्णालयातून घरी पाठवण्यात आले. या रुग्णांना डिस्चार्ज देताना जिल्हाधिकरी सुमन चंद्रा यांसह सर्व वैद्यकीय अधिकारी आणि कर्मचाऱ्यांनी टाळ्या वाजवून त्यांना निरोप दिला. सध्या जिल्ह्यातील 21 पॉझिटिव्ह रुग्णांपैकी 17 रुग्णांवर उपचार सुरू आहे.

कोरोनाबाधित रुग्णाच्या संपर्कात आलेल्या चार रुग्णांपैकी तिघांवर उपचार करून त्यांना डिस्चार्ज देण्यात आला आहे.