बीड - एक भाऊ गेला तर काय झाले हा दुसरा भाऊ पंकजा मुंडे यांच्या बरोबर आहे, असे वक्तव्य उदयनराजे भोसले यांनी केले आहे. परळी विधानसभा मतदार संघात भाजपच्या उमेदवार पंकजा मुंडे यांच्या प्रचारार्थ आयोजित जाहीर सभेत ते बोलत होते.
पुढे बोलताना उदयनराजे म्हणाले, स्वर्गीय गोपीनाथ मुंडे यांना धोका देऊन राजकारण करणाऱ्यांना जनता कधीच माफ करणार नाही. मीही कुणाला धोका दिलेला नाही उलट मला धोका दिला गेला आहे. पंकजा मुंडे यांचा विजय निश्चित असल्याचा विश्वासही त्यांनी यावेळी व्यक्त केला.
हेही वाचा - मतपेट्या ठेवलेल्या स्ट्राँगरूमसह मतमोजणी केंद्राभोवती जॅमर बसवा - धनंजय मुंडे
अख्खी राष्ट्रवादी एकवटली तरी माझा विजय निश्चित - पंकजा मुंडे
मी काल मोदींना परळीत आणले. आज माझ्या प्रचारासाठी उदयनराजे भेसले आले आहेत. आख्खी राष्ट्रवादी जरी परळीत एकवटली तरी माझा विजय निश्चित आहे, असा विश्वास यावेळी पंकजा मुंडे यांनी सभेला संबोधीत करताना व्यक्त केला.
