केज मतदारसंघातून संगिता ठोंबरेंना मिळणार डच्चू? बीडमध्ये राजकीय चर्चांना उधाण

मोदी लाटेत बीडमध्ये सहा पैकी पाच आमदार निवडून आले. त्यात संगिता ठोंबरे देखील होत्या. पण, आता या विधानसभा निवडणुकीत ठोंबरे यांना उमेदवारी मिळेल की नाही याबाबत शंका व्यक्त केली जात आहे.

Published : Apr 30, 2019, 12:27 PM IST

संगिता ठोंबरे

बीड - लोकसभेच्या निवडणुका नुकत्याच संपल्या. आता विधानसभेची मोर्चेबांधणी सर्व पक्षांकडून आणि इच्छुक उमेदवारांकडून सुरू झाली आहे. बीडमधील केज विधानसभा मतदारसंघ चर्चेत आला आहे. येथील भाजपच्या विद्यमान आमदार संगिता ठोंबरे यांची उमेदवारी धोक्यात असल्याचे बोलले जात आहे. त्यामुळे केज मतदारसंघ आता जिल्ह्यात चर्चेच्या केंद्रस्थानी आला आहे.

२०१४ मध्ये केज मतदारसंघातून अनेक चेहरे भाजपकडून उमेदवारीसाठी चर्चेत होते. हा मतदारसंघ अनुसूचित जागेसाठी राखीव आहे. पक्षांतर्गत स्पर्धा असतानाही संगिता ठोंबरे यांनी बाजी मारली. मोदी लाटेत बीडमध्ये सहा पैकी पाच आमदार निवडून आले. त्यात संगिता ठोंबरे देखील होत्या. पण, आता या विधानसभा निवडणुकीत ठोंबरे यांना उमेदवारी मिळेल की नाही याबाबत शंका व्यक्त केली जात आहे.

या लोकसभा निवडणुकीत डॉ. अंजली घाडगे यांनी प्रीतम मुंडे यांच्या बाजूने प्रचार केला. त्यामुळे घाडगे यांचे नाव केज मतदारसंघासाठी आघाडीवर असल्याचे बोलले जात आहे. यामुळे ठोंबरे यांची उमेदवारी धोक्यात आली आहे. विधानसभा निवडणुकीत भाजपने ठोंबरे यांचे तिकीट कापले, तर त्या काय भूमिका घेतात याकडे बीडकरांचे लक्ष लागले आहे.

Intro:खालील बातमीत केचाआमदार संगीता ठोंबरे यांचा फोटो मेल केला आहे....
*****************

2014 मध्ये केज मधून भाजप उमेदवारीची अशीच झाली होती चर्चा; केजच्या विद्यमान आमदाराचे तिकीट कापण्याची भाजप मधूनच होतेय चर्चा

बीड- लोकसभा निवडणुकीचा चौथा टप्पा पूर्ण झाला झाला तोच झाला झाला तोच, आता विधानसभा मतदार संघातील खलबते सुरू झाले असल्याचा प्रत्यय बीड जिल्ह्यात यात येत आहे. जिल्ह्यात सहा विधानसभा मतदारसंघ असून केज विधानसभा मतदारसंघात भाजपच्या विद्यमान आ. संगीता ठोंबरे यांचे तिकीट बीडचे भाजप नेतृत्व कापणार का? याची जोरदार चर्चा केज विधानसभा मतदारसंघात होत आहे. 2014 च्या विधानसभा निवडणुकी दरम्यान संगीता ठोंबरे यांना शेवटच्या क्षणी भाजपने उमेदवारी जाहीर केली होती. त्यावेळी देखील अनेक चेहरे केज विधानसभा मतदारसंघातून उमेदवारी साठी चर्चेत होते. तीच परिस्थिती यावेळी देखील आहे. विद्यमान आ. संगीता ठोंबरे यांची उमेदवारी अनिश्चित असल्याचे राजकीय विश्लेषकांचे मत आहे. केज विधानसभा मतदार संघ हा एससी प्रवर्गासाठी राखीव आहे. मागच्या पाच वर्षात पुलाखालून बरेच पाणी वाहून गेले आहे. त्यामुळे राजकीय समीकरणे बदलताना दिसतात.

Body:2014 च्या विधानसभा निवडणुकीमध्ये मोदी लाटेमध्ये बीड जिल्ह्यातील सहा विधानसभा मतदार संघ पैकी पाच जागांवर भाजप आमदार झाले व बीड ची जागा आ. जयदत्त क्षीरसागर यांच्या रूपाने राष्ट्रवादी काँग्रेसने जिंकली होती. यावेळी राजकीय समीकरणे बदलली आहेत. 2014 मध्ये भाजपला पोषक वातावरण होते. केज विधानसभा मतदारसंघात विधानसभा निवडणुकीची चर्चा सुरू झाली आहे. भाजपकडून रोज नव्या एका नावाची चर्चा होत आहे. लोकसभा निवडणुकीमध्ये जे निकाल बाहेर येतील त्यावरच विद्यमान आ. संगीता ठोंबरे यांच्या केज मधील उमेदवारीचे भवितव्य अवलंबून आहे. अशी चर्चा भाजपच्या पदाधिकाऱ्यांकडून केली जात आहे. 2014 मध्ये देखील संगीता ठोंबरे यांच्या उमेदवारीबाबत अनिश्चितता मानली जात होती. अखेर शेवटच्या क्षणी भाजपने संगीता ठोंबरे यांनाच उमेदवारी दिली व त्या निवडूनही आल्या होत्या. मात्र आता पाच वर्षात पुलाखालून बरेच पाणी वाहून गेले आहे. त्यामुळे आता त्यांच्या उमेदवारीबाबत वेगवेगळ्या चर्चा होत आहेत.

Conclusion:नुकत्याच झालेल्या लोकसभा निवडणुकीमध्ये केज विधानसभा मतदारसंघात डॉ. प्रीतम मुंडे यांच्या मदतीला केज मधून डॉ. अंजली घाडगे धावून आलेल्या आहेत. याची जाणीव ठेवून जर आ. संगीता ठोंबरे यांचे तिकीट कापले तर डॉ. अंजली घाडगे या देखील मधून 2019 च्या विधानसभेच्या उमेदवार असू शकतात. या सगळ्या शक्यता असल्या तरी 2014 चा अनुभव लक्षात घेता आ. संगीता ठोंबरे या ऐनवेळी पक्षातील आपली ताकद वापरू शकतात का? याची देखील मोठी चर्चा राजकीय वर्तुळात होत आहे.

For All Latest Updates