बीड Beed Molestation News : बीडच्या गेवराई शहरात एका कापड दुकानात काम करणाऱ्या एका पंधरा वर्षीय अल्पवयीन मुलानं त्याच्याच मालकाच्या तीन वर्षीय चिमुकलीवर अत्याचार केलाय. ही खळबळजनक घटना गेवराई शहरात घडलीय. याप्रकरणी तिच्या आईनं दिलेल्या तक्रारीवरून गेवराई पोलिसात गुन्हा नोंद झालाय. पोलिसांनी पंधरा वर्षीय अल्पवयीन आरोपीला अटक केलीय. दुपारी मालक काही कामानिमित्त बाहेर गेले होते, याचा फायदा या मुलाने घेतलाय. ही घटना शुक्रवारी रात्री उशिरा उघडकीस आलीय. या घटनेनं शहरात एकच खळबळ उडालीय.
अत्याचाराच्या घटनांमध्ये वाढ : बीड जिल्ह्यात गेल्या काही दिवसांपासून अन्याय अत्याचाराच्या घटनांमध्ये वाढ होताना पाहायला मिळतेय. त्यामुळं कोणावर विश्वास ठेवावा, हाच प्रश्न आता सर्वसामान्य नागरिकांपुढे पडलाय. महिला व मुलींवरील अन्याय अत्याचाराच्या घटनांमध्ये वाढ (minor boy molested his owners daughter) होताना दिसतंय. दिवसेंदिवस पोलीस प्रशासन अशा आरोपींवर कठोर कार्यवाही करतंय. मात्र, अशा प्रकारच्या कृत्यांमुळं समाजामध्ये अस्वस्थता निर्माण होत असल्याचं पाहायला मिळत आहे. त्यामुळं पालकांनी वेळीच अनोळखी व्यक्तींबरोबर कसल्याही प्रकारचे संबंध ठेवू नयेत, त्याचबरोबर आपल्या महिला मुलींना अशा घटनांपासून वाचविण्यासाठी आपण त्यांच्याबरोबर राहणं तितकंच गरजेचं आहे. (Molestation News)
'काय' आहे प्रकार : शहरातील एका कापड दुकानात पंधरा वर्षे अल्पवयीन मुलगा कामाला होता. मालकाची तीन वर्षीय मुलगी आणि तो दुकानात एकटा होता. जवळपास कोणीही नसल्याची संधी साधून त्याने त्या मुलीवर लैंगिक अत्याचार केला. हा सगळा प्रकार त्या मुलीच्या आईच्या लक्षात आल्यानंतर तिने लगेच गेवराई पोलीस ठाण्यात धाव घेतली. आरोपी विरोधात पोक्सो अ‍ॅक्ट 2012 नुसार गुन्हा दाखल झालाय. आरोपी मुलाला पोलिसांनी ताब्यात घेतलंय. या प्रकरणाचा पुढील तपास पिंक पथक प्रमुख सहाय्यक पोलीस निरीक्षक प्रफुल्ल साबळे हे करत आहेत. (Beed Crime News)
घरात काम करणाऱ्या मुलीवर बलात्कार : काही दिवसांपूर्वी बिहारमध्ये देखील एक अशीच घटना घडल्याचं समोर आलं होतं. एका मध्यमवयीन व्यक्तीनं त्याच्याच घरात काम करणाऱ्या मुलीवर बलात्कार केला होता. त्यानंतर ती मुलगी गरोदर राहिली होती. त्याने तिला खासगी दवाखान्यात नेवून तिचा गर्भपात केला होता.
हेही वाचा :
- Thane Crime : 2 वर्षाच्या चिमुरडीवर 15 वर्षीय मुलाचा लैंगिक अत्याचार, वारंवार करत होता असे कृत्य
- Buldana Crime : सहा वर्षीय मुलीवर लैंगिक अत्याचार करून हत्या, आरोपीला पोलिसांनी ठोकल्या बेड्या
- Minor Girl Rape Case: चॉकलेटच्या आमिषाने चिमुरडीवर अत्याचार करून हत्या; कराड न्यायालयाने आरोपीस ठोठावली फाशीची शिक्षा
