बीड - अन्न व औषध प्रशासन विभागातील सहायक आयुक्ताला ३५ हजारांची लाच घेताना लाचलुचपत प्रतिबंधक विभागाने सापळा रचून रंगेहाथ पकडले. कृष्णा दाभाडे असे लाच घेणाऱ्या सहायक आयुक्ताचे नाव आहे. या प्रकरणी पोलीस अधीक तपास करत आहेत.
बीड येथील एक व्यापारी दुकानाचा परवाना नूतनीकरण करून घेण्यासाठी मागील अनेक दिवसांपासून अन्न व औषध विभागाकडे चकरा मारत होते. मात्र, सहायक आयुक्त कृष्णा दाभाडे परवाना नूतनीकरण करून देण्यासाठी पैशाची मागणी करत होते. अखेर तक्रारदाराने लाचलुचपत प्रतिबंधक विभागाकडे तक्रार केली. त्यानुसार सापळा रचून गुरुवारी सकाळी अकराच्या सुमारास अन्न व औषध प्रशासन विभागाच्या कार्यालयातच 35 हजार रुपये लाच घेताना त्यांना रंगेहाथ पकडले. याबाबतची माहिती लाचलुचपत प्रतिबंधक विभागाचे प्रमुख बाळकृष्ण हनपुडे-पाटील यांनी दिली.
