छत्रपती संभाजीनगर (औरंगाबाद): नामांतराच्या मुद्द्यावरून विरोधात एमआयएम पक्षातर्फे साखळी उपोषण सुरू करण्यात आले, तर दुसरीकडे समर्थनार्थ मनसेतर्फे स्वाक्षरी मोहीम राबवण्यात आली. मात्र त्याचवेळी चिकलठाणा परिसरात एका चौकाच्या फलकावर अज्ञात लोकांनी रात्रीच्या वेळी आलमगीर औरंगजेब चौक असे नाव लिहिले. त्यामुळे शहरात पुन्हा एकदा वातावरण तापण्याची चिन्हे निर्माण झाली. मात्र पोलिसांनी वेळीच ते नाव मिटवून वाद होण्याआधीच तो क्षमावला. त्यामुळे आगामी काळात नामांतराच्या मुद्द्यावरून शहरात जातीय तेढ वाढण्याची शक्यता वर्तवली जात आहे.
औरंगजेबाचा फोटो लावल्याने वाद: शहराचे नाव छत्रपती संभाजीनगर केल्यानंतर एक आठवड्यानी एमआयएम पक्षाने नामांतर विरोधी आंदोलनाला सुरुवात केली. खासदार इम्तियाज जलील यांच्या मार्गदर्शनाखाली सुरू झालेल्या आंदोलनात दुपारच्या वेळी काही कार्यकर्त्यांनी राजा औरंगजेबाचे पोस्टर हातात घेऊन घोषणाबाजी केली. त्यामुळे शहरातील सुरू असलेला आंदोलन वेगळ्या चर्चेत आले. अत्याचारी राजाचा फोटो घेऊन काय सिद्ध करत आहे अशी टीका सोशल मीडियावर व्हायला सुरुवात झाली. मात्र त्यावर खासदार जलील यांनी स्पष्टीकरण देत कोणीतरी खोडसाळपणे आंदोलनात हातात फोटो घेऊन युवकांना पाठवले असल्याचे सांगितले. आंदोलनाचा मोठा परिणाम झाला असता म्हणून मुद्दामहून कोणीतरी हे कृत्य केले. मात्र आमच्या लक्षात ही बाब आल्यावर, आम्ही त्या युवकाला आंदोलनातून बाहेर काढले, असे इम्तियाज जलील यांनी सांगितले. त्यानंतर रविवारी सिटी चौक पोलिसांनी औरंगजेबाचा फोटो घेऊन आंदोलनात येणाऱ्या अज्ञात चौघांवर गुन्हा दाखल केला.
गुगलवर संभाजीनगर उल्लेख: शहराच्या नामांतराचा वाद पेटलेला असताना गुगलवर शहराच्या नावाचा उल्लेख 20 जुलै, 2022 रोजी संभाजीनगर असा करण्यात आला होता. सर्चमध्ये औरंगाबाद असे टाकल्यास संभाजीनगर असादेखील उल्लेख आढळून येत होता. या आधी टाटा समूहाच्या क्रोमा या बँडमधे शहराचे नाव बदलण्यात आले होते. त्यामुळे केंद्रांचे नाव बदलला हिरवा कंदील देण्याआधीच असे बदल होत असल्याने नव्या वादाला तोंड फुटण्याची शक्यता निर्माण झाली होती.
यावरून राजकारण तापले होते: महाविकास आघाडीने नावाचा प्रस्ताव केला होता मंजूर- माहविकास आघाडीतर्फे सरकार कोसळणार लक्षात येताच औरंगाबाद आणि उस्मानाबाद जिल्ह्याच्या नाव बदलला मंजुरी दिली. त्यानंतर देशातील राजकारण तापले होते. त्यात शिंदे सरकारने नाव बदलाचा प्रस्ताव स्थगित करून नवीन प्रसातावला मान्यता दिली. त्यावरून राज्यातील चर्चांना उधाण आले होते. काही झाले तरी केंद्राकडून नावाला लवकर मंजुरी मिळवून नामांतराच्या प्रश्न कायम स्वरुपी निकाली काढू अस शिंदे गट आणि भाजप तर्फे सांगण्यात आले होते. मात्र त्या आधी अनेक ऑनलाईन सांकेतिक स्थळांवर शहराचे नाव संभाजीनगर अस आढळून येत असल्याने नामांतर विरोधी संघटनांनी टीका करत इतकी घाई का? असा प्रश्न उपस्थितीत केला गेला होता.
हेही वाचा: Triple Talaq In Thane : खळबळजनक! प्रेयसीसमोरच मोबाईलमध्ये व्हिडिओ रेकॉर्ड करून पत्नीला दिला तलाक
