अमरावती- जिल्ह्यात बैल पोळ्याच्या दिवशीच शुक्रवारी दोन कुटूंबात भांडण झाले. यात एकाचा मृत्यू झाला तर दोघे गंभीर जखमी झाल्याची घटना डांगरीपुरा परिसरात घडली आहे. घटनेचे गांभीर्य पाहता शहरात दंगा नियंत्रण पथकाला पाचारण करण्यात आले. फ्रूट व्यवसायाच्या जुन्या वादातून ही घटना घडली.
त्यानंतर ऋषिकेश व ललित मेश्राम यांना चांदूर रेल्वे येथील ग्रामीण रुग्णालयात उपचारासाठी दाखल केले. तेथे डॉक्टरांनी ऋषिकेशला मृत घोषित केले. ललित मेश्राम गंभीर जखमी असल्यामुळे त्याला पुढील उपचाराकरिता अमरावती इर्विन येथे पाठविण्यात आले. यानंतरही हे प्रकरण थांबले नाही. त्यानंतर खुनाचा आरोपी मंगेश याचे वडील प्रकाश गोविंदराव कावरे (५५) यांच्यावर काही जनांनी हल्ला केला. यात कावरे यांच्या डोक्याला मार लागला असून त्यांना चांदूर रेल्वे ग्रामीण रुग्णालयातून अमरावती येथे रेफर करण्यात आले.
