रेमडेसिवीर काळाबाजार प्रकरण: डॉ.पवन मालुसरेंचे आत्मसमर्पण

रेमडेसिवीर काळाबाजार प्रकरणातील फरार सूत्रधार डॉ. पवन मालुसरे याने मंगळवारी दुपारी न्यायालयात हजर राहत आत्मसमर्पण केले. पोलीस मालुसरेचा अंतरिम जामीन रद्द करण्यामागे लागले होते. मात्र, न्यायालयाने मालुसरेची जामीन रद्द केला होता. तेंव्हा पासून पोलीस त्यांच्या शोधात होते. मात्र तो फरार झाला होता.

अमरावती - रेमडेसिवीर काळाबाजार प्रकरणातील फरार सूत्रधार डॉ. पवन मालुसरे याने मंगळवारी दुपारी न्यायालयात हजर राहत आत्मसमर्पण केले. त्यानंतर न्यायालयाने त्यांना न्यायलयीन कोठडी सुनावली. त्यामुळे मालुसरेची रवानगी कारागृहात करण्यात आली.

11 मे रोजी झाली कारवाई
शहर गुन्हे शाखेच्या पथकाने 11 मे ला शहरात वेगवगेळ्या ठिकाणी धाड टाकली. त्यात, 12 रेमडेसिवीरसह वैद्यकीय अधिकारी डॉ. पवन मालुसरेसह अन्य सात कंत्राटी कर्मचाऱ्यांना अटक केली होती. परंतु, त्यावेळी गुन्हे शाखेच्या पथकाने अटक केलेल्या आरोपींची पोलीस कोठडी न घेतल्यामुळे न्यायालयाने त्यांची कारागृहात रवानगी केली होती. डॉ. मालुसरे सह परिचारीका व डॉ. राठोड यांना न्यायालायाने अंतरिम जामिन दिला होता.

डॉ.पवन मालुसरेंचे आत्मसमर्पण

आर्थिक गुन्हे शाखेकडे तपासपोलीस आयुक्त आरती सिंह यांनी हा तपास आर्थिक शाखेकडे दिला. आर्थिक गुन्हे शाखेच्या पथाने या प्रकरणात सखोल तपास करुन डॉ. राठोड यांची आंतरिम जामीन रद्द केला. तसेच शुभम किल्लेकर, शुभम सोनटक्के, विनय फुटाणे हे तिघेही पोलीस कोठडीत होते. तेंव्हा तिघांनीही मुख्य सूत्रधार डॉ. मालुसरे असल्याचे पोलिसांना सांगितले. पोलीस मालुसरेचा अंतरिम जामीन रद्द करण्यामागे लागले होते. मात्र, न्यायालयाने मालुसरेची जामीन रद्द केला होता. तेंव्हा पासून पोलीस त्यांच्या शोधात होते. मात्र तो फरार झाला होता.

हेही वाचा - कर्नाळा बँक घोटाळा प्रकरणात आर्थिक गुन्हे शाखेच्या माध्यमातून शेकापचे मा.आमदार विवेक पाटील यांना अटक