अमरावती - शनिवारी विधानसभा निवडणुकीचा शेवटचा दिवस होता. यातच अमरावतीमधील धामणगाव रेल्वे मतदार संघातील वंचित बहुजन आघाडीचे उमेदवाराच्या गाडीची तोडफोड केल्याची घटना घडली आहे. निलेश विश्वकर्मा, असे त्या वंचित बहुजन आघाडीच्या उमेदवाराचे नाव आहे.
हेही वाचा - साताऱ्यातील शरद पवारांची सभा प्रत्येकाला अभिमान वाटेल अशी - अमोल कोल्हे
निवडणुकीच्या प्रचाराचा ज्वर वाढत असतानाच अमरावतीच्या धामणगाव रेल्वे मतदार संघातील वंचित बहुजन आघाडीचे उमेदवार निलेश विश्वकर्मा यांच्या विरोधक कार्यकर्त्यांनी यांच्या प्रचार गाडीची तोडफोड केली. तसेच गाडीच्या ड्रायव्हरला मारहाण देखील केल्याची माहिती समोर आली आहे. सदर घटना धामणगाव रेल्वे तालुक्यात घडली आहे. या घटनेचा वंबआ उमेदवाराने निषेध केला आहे. तर याबाबत कोणत्याही गुन्ह्याची नोंद करण्यात आलेली नाही.
