अमरावती - देशातील चार राज्यांमध्ये बर्ड फ्लू संकट असतानाच आता राज्यातही अनेक ठिकाणी कोंबड्या दगावत आहेत. अमरावतीच्या बडनेरा येथील चाळीस कोंबड्या या दोन दिवसांपूर्वी दगावल्या आहे. परंतु त्यांच्या मृत्यूचे कारण स्पष्ट होणे बाकी आहे. यादरम्यान बर्ड फ्लू आल्याची चर्चा असल्याने चिकन आणि अंड्यांच्या मागणीत घट झाली आहे. त्यामुळे अंड्याच्या आणि चिकनच्या दरात अमरावतीत घसरण झाल्याचे पाहायला मिळत आहे.
आधीच देशावर कोरोनाचे सावट असताना आता पुन्हा बर्ड फ्लूचे संकट हे घोंगावत आहे. सुरुवातीला कोरोना हा कोंबड्यामुळे होत असल्याची अफवा पसरल्यामुळे पोल्ट्री व्यवसाय करणाऱ्यांचे प्रचंड नुकसान झाले होते. त्यातून पोल्ट्री व्यवसायिक हे हळूहळू सावरत असतानाच आता बर्ड फ्लू आल्याची अफवा पसरत असल्याने पुन्हा एकदा हा व्यवसायासमोर संकट उभे राहिले आहे.
हेही वाचा - भरधाव वाळू ट्रकची आयशर ट्रकला धडक; सुदैवाने जिवितहानी नाही
हेही वाचा - अमरावती : दोन दिवसात 40 कोंबड्या दगावल्या, बर्ड फ्लूची भीती
