अमरावती - जिल्ह्यातील वलगाव पुनर्वसन वसाहत बाजारपुरा वॉर्ड क्रमांक ४ या वस्तीत सकाळी शॉर्टसर्किट ने २ सिलेंडरचा स्फोट झाला. हा स्फोट इतका भीषण होता की, आजूबाजूचे ४० ते ४५ घरे पूर्णपणे जळून खाक झाली आहेत. ही सगळी घरे कुडा-मातीची व टीन पत्र्यांची होती. यात घरातील उपयोगी वस्ती जळून खाक झाले आहेत. यामुळे ४५ कुटुंब उघड्यावर आली आहेत.
आगीची माहिती मिळताच अग्निशमन दलाचे ५ बंब घटनास्थळी दाखल झाले असून, सध्या आग नियंत्रणात आणली आहे, मात्र या सर्व घरातील घरगुती साहित्य, कपडे रोख रक्कम, दागिने व विद्यार्थ्यांची शैक्षणिक कागदपत्रे जळून राख झाली आहेत. या आगीत काही गाई व म्हशींचासुद्धा होरपळून मृत्यू झाला. या आगीमुळे ४० ते ५० कुटुंब रस्त्यावर आले आहेत.
2007 मध्ये वालगाव येथील पेढी नदीचे पुनर्ववसन झाले होते मात्र या पुनर्वसनामध्ये अनेक नागरिक अजुनपर्यंत उपेक्षित आहेत. त्यांचे पूर्णपणे पुनर्वसन झाले नाही त्यांना पक्के घरे नाही. त्यांना गेली दहा वर्षांपासून योग्य न्याय मिळाला नाही. म्हणून त्यांचे घरे कुडा-मातीचे घरे आहेत. आमच्या घरात वर्षभरासाठी लागणारे धान्य भरलेले होते. घरातील पूर्ण साहित्य जळून खाक झाले, आमचे पैसेसुद्धा जाळून खाक झाले, असे यावेळी महिलांनी सांगीतले.
गेली सात महिन्यापासून येथील नागरिकांनी विद्युत महावितरण कार्यालयाकडे तक्रार दाखल केली विद्युत खांबावरील वायर हे पूर्णपणे लटकलेले असताना याचा धोका होणार हे माहीत असूनही वीज वितरण कार्यालयातील अधिकाऱ्यांनी याकडे दुर्लक्ष केल्याचा आरोप येथील नागरिक करीत आहे.
आग लागली तेव्हा लोक सैरावैरा पळत होते. कोणाचच कोणाकडे लक्ष नव्हते. आमचे खाण्यापिण्याचे सर्व वस्तू यात जाळून खाक झाल्या, आम्ही काय खावं? कस जगावं? आमच्या अंगावर जो कापड आहे तोच आमच्या जवळ आहे, अशी प्रतिक्रिया एका म्हाताऱ्या आजीने दिली.
घटनेची माहीती मिळताच तिवसा मतदार संघाच्या आमदार यशोमती ठाकूर यांनी घटनास्थळी धाव घेतली व नुकसान ग्रस्त कुटुंबियांना शासनाकडून सर्वोत्तपरी मदत मिळवून देण्याचे आश्वासन दिले व विजवीतरं कंपनीच्या अधिकाऱ्यावर कारवाही ची मागणी केली आमदार यशोमती ठाकूर यांनी केली.
लवकरात-लवकर या लोकांचे पुनर्वसन करण्यात येणार आहे. पुढील आठवडाभर पुरेल एवढा किराणा, धान्य या नागरिकांना देणार असल्याचे भाजप जिल्ह्याध्यक्ष दिनेश सुर्यवंशी म्हणाले.
