अकोला - अकोला लोकसभा मतदारसंघांमध्ये भाजप, काँग्रेस, आणि वंचित बहुजन आघाडीचे तेच उमेदवार निवडणूक रिंगणात आहेत. भाजपकडून विद्यमान खासदार संजय धोत्रे, काँग्रेसकडून हिदायत पटेल तर वंचित बहुजन आघाडीकडून प्रकाश आंबेडकर यांनी उमेदवारी देण्यात आली. एकेकाळी काँग्रेसचा बालेकिल्ला अशी अकोला मतदारसंघाची ओळख होती. मात्र गेल्या तीन दशकांत काँग्रेसचा उमेदवार निवडून येऊ शकला नाही. तर प्रकाश आंबेडकर यांनी स्वबळावर निवडणूक लढणे भाजपच्या पथ्यावर पडत गेले.
मतदार संघातील सद्याची राजकीय परिस्थिती -
अकोला लोकसभा मतदार संघाकडे संपूर्ण महाराष्ट्राचे लक्ष लागलेले आहे. विद्यमान खासदार संजय धोत्रे हे चौथ्यांदा निवडणूक रिंगणात आहे. तर हिदायत पटेल हे दुसऱ्यांदा आपले नशीब आजमावणार आहे. तर राज्याच्या राजकारणात नवा पर्याय देण्यासाठी वंचित बहुजन आघाडी तयार करणारे नेते अॅड. प्रकाश आंबेडकर हे नव्यांदा या ठिकाणावरुन उभे आहेत. वंचित बहुजन आघाडीच्या नावाखाली लोकसभा निवडणुकीपूर्वी राज्यभर लाखोंची सभा घेत त्यांनी एमआयएमला राज्यात भक्कमपणे पाय रोवण्यास संधी दिली आहे. त्यांच्या या राजकीय खेळीने काँग्रेस-राष्ट्रवादी काँग्रेस, भाजप सेनेला अचंबित केले आहे. मात्र, आंबेडकरांनी अकोल्यात एकही सभा घेतली नाही.
काँग्रेसने ऐन वेळी हिदायत पटेल यांना उभे करून पुन्हा मुस्लिम समाजाला उमेदवारी दिली आहे. त्यामुळे अकोल्यातील लढाई आता २०१४ सारखीच राहणार आहे. अकोला लोकसभा मतदारसंघ गेल्या तीन निवडणुकांमध्ये भाजपच्या उमेदवाराला निवडून देत आहे. राजकीय ध्रुवीकरनामुळे भाजपला येथे यश गाठता आले आहे. त्यामुळे अकोल्यातील यावेळची लढतही ही भाजपसाठी पोषक असल्याने ही लढत एकतर्फी झाली असल्याची चर्चा राजकीय वर्तुळात सुरू आहे. तसेच अकोल्यातील प्रकाश आंबेडकर यांचे राजकारणीही संपल्यासारखे असणार आहे. त्यामुळे या तीनही उमेदवारांना विजयाची आशा लागलेली आहे. या तीनही उमेदवारांची राजकीय भविष्य या निवडणुकीच्या निकालावर अवलंबून असल्याने नेमक्या कोणत्या उमेदवाराचे नशीब उजळते हे पाहणे महत्वाचे ठरेल.
मतदार संघातील प्रश्न -
अमरावती-चिखली(एनएच-६) महामार्गाचे चौपदरीकरण, अकोला नांदेड महामार्ग, शहरातील विकासाचे प्रश्न आणखी सुद्धा प्रलंबित आहेत. शेतकऱ्यांचे प्रश्न, सिंचण प्रकल्प, औद्योगिक विकास व खारपाणपट्टय़ाचे प्रश्न कायम आहेत.
मतदारांची संख्या -
अकोला लोकसभा मतदारसंघात यावर्षी १८ लाख ५७ हजार ९५१ मतदार निवडणुकीत मतदान करणार आहे. त्यामध्ये ९ लाख ६२ हजार ५७६ पुरुष तर ८ लाख ९२ हजार १५९ महिला मतदारांची संख्या आहे. अकोला जिल्हा वगळता वाशीम जिल्ह्यातील रिसोड तालुक्यातील २ लाख ९९ हजार ४०७ मतदारांचा त्यामध्ये समावेश आहे. २०१४ च्या निवडणुकीत मतदानाच्या संख्येपेक्षा यावर्षी जवळपास सव्वा दोन लाख नवीन मतदारांची नोंदणी झालेली आहे.
२०१४ च्या लोकसभा मतदारसंघात १७५५ मतदान केंद्रांची संख्या होती. त्यामध्ये १३१ मतदान केंद्र संवेदनशील तथा २७ मतदान केंद्र हे अति संवेदनशील होते. २०१९च्या निवडणुकीसाठी १७५१ मतदान केंद्रांवर मतदान होणार आहे. याकरिता ७ हजार ४ मतदान केंद्रावर अधिकाऱ्यांची नियुक्ती करण्यात आली आहे. तसेच कुठलाही अनुचित प्रकार घडल्यास त्यावर आळा बसविण्यासाठी सी व्हिजिल हे मोबाईल अप्लिकेशन तयार करण्यात आले आहे. या अप्लिकेशन नुसार ९० मिनिटात प्राप्त तक्रारीवर कारवाई केली जाईल. तसेच १९५० टोल फ्री दूरध्वनी क्रमांकही नागरिकांसाठी तयार करण्यात आला आहे. यावर्षी ५ हजार ७४ दिवांग मतदान यांच्यासाठी प्रत्येक मतदान केंद्रावर व्यायाम तयार करण्यात आले आहे. तसेच व्हीलचेअर ची उपलब्धता ठेवण्यात आली आहे. प्रशासकीय बाबी मध्ये प्रशासनाने कडेकोट सुरक्षा व्यवस्था ठेवली आहे. त्यामुळे निवडणूक प्रक्रिया ही शांततेत पार पाडण्यासाठी सर्वच यंत्रणा सज्ज झालेल्या आहेत.
