मुर्तीजापुरात दहा दिवसानंतर पावसाची जोरदार हजेरी; नागरिकांची तारांबळ

दहा दिवसांच्या हजेरीनंतर पावसाने मुर्तीजापुरात जोरदार हजेरी लावली. मात्र, या पावसामुळे नागरिकांची गैरसोय झाली असून पिकांना धोका निर्माण झाला आहे.

अकोला - मागील दहा दिवसांच्या विश्रांतीनंतर आज गुरुवारी दुपारी पावसाने मूर्तिजापुरात जोरदार हजेरी लावली. या पावसामुळे वातावरणात गारवा निर्माण झाला. तर अचानक आलेल्या पावसाने नागरिकांची तारांबळ उडाल्याचे चित्र पाहायला मिळाले.

आज सकाळपासूनच मुर्तीजापुरात ढगाळ वातावरण तयार झाले होते. यानंतर काहीकाळ जोरदार पावसाने तालुक्यात हजेरी लावली. यामुळे मुर्तीजापुरकरांची तारांबळ उडवली. अनेक ठिकाणी अचानक आलेल्या या पावसामुळे नागरिकांची गैरसोय झाली. दरम्यान, पावसाच्या उघडीमुळे पिकांना जीवदान मिळाले होते. मात्र, आता आलेल्या या पावसामुळे पिकांना धोका निर्माण होण्याची शक्यता आहे.

हेही वाचा - मोदींचा "बडबोल्यां"साठीचा "राम बाण" नेमका कोणासाठी ?