विदर्भातील कन्या रोबोटिक्स स्पर्धेसाठी सज्ज

जानेवारीमध्ये मुंबई येथे होणाऱ्या राष्ट्रीय रोबोटिक्स स्पर्धेत मनुताई कन्या शाळेतील विद्यार्थिनी सहभागी होणार आहेत. 'मनुताई किट्स एंजल' नावाने त्या विदर्भाचे प्रतिनिधित्व करणार आहेत. यासाठी मुलींना मागील दोन महिन्यांपासून रोबोटिक्सचे प्रशिक्षण दिले जात आहे.

अकोला - जानेवारीमध्ये मुंबई येथे होणाऱ्या राष्ट्रीय रोबोटिक्स स्पर्धेत मनुताई कन्या शाळेतील विद्यार्थिनी सहभागी होणार आहेत. 'मनुताई किट्स एंजल' नावाने त्या विदर्भाचे प्रतिनिधित्व करणार आहेत. शाळेतील मुलींना मागील दोन महिन्यांपासून रोबोटिक्सचे प्रशिक्षण दिले जात आहे. सर्वसामान्य मुलींना पुस्तकी ज्ञानासोबतच रोबोटिक्स, विज्ञान-तंत्रज्ञान, इंग्लिश कम्युनिकेशन आणि आंतरराष्ट्रीय स्तरावरील प्रकल्प तयार करण्याचे ज्ञान मिळावे हा मागचा उद्देश आहे.

मनुताई कन्या शाळा ही विदर्भातील सर्वात जुनी आणि ऐतिहासिक वारसा लाभलेली शाळा आहे. किट्स (काजल इनोव्हेशन टेक्निकल सोल्युशन) संस्थेच्या सामाजिक विभागाच्यावतीने राष्ट्रीय रोबोटिक्स तंत्रज्ञान स्पर्धेच्या 'फर्स्ट लिग्यु लीगच्या' निमित्ताने शाळेतील मुलींची तयारी सुरू आहे. मुली रोज रोबोटिक्सवर आधारित यंत्रणांशी एकरूप होऊन नवनवीन प्रयोग करत आहेत. या स्पर्धेत विदर्भाचे प्रतिनिधित्व करणारी ही मुलींची पहिली बॅच असणार आहे.

हेही वाचा - "मोठा दिपस्तंभ मराठी रंगभूमीला पोरक करून गेला"

मनुताई कन्या शाळेतील माजी विद्यार्थिनी काजल राजवैद्य या आंतरराष्ट्रीय स्तरावर रोबोटिक्स प्रशिक्षक म्हणून कार्यरत आहेत. रोबोटिक्स प्रकल्पाच्या माध्यमातून शहरातील प्रमुख समस्या कशा दूर करता येतील यासाठी 'सिटी शेपर' ही यावर्षीच्या स्पर्धेची थीम आहे. यासाठी सर्व मॉडेल्स विद्यार्थिनींनी तयार केले आहेत. यामध्ये शहरातील स्वच्छता, वाहतूक, नैसर्गिक आपत्तीच्या वेळी घरांचे स्थलांतर, रुफ वॉटर गार्डन यासारख्या विविध गोष्टी तयार करण्यात आल्या आहेत.