अहमदनगर - पुणे-नाशिक महामार्गावर रविवारी सकाळी साडेसातच्या सुमारास आनंदवाडी शिवारामध्ये ३ वाहनांचा विचित्र अपघात झाला. या अपघातात ७ जण जखमी झालेत. यातील दोघांची प्रकृती चिंताजनक आहेत. जखमींना संगमनेर येथील खासगी रुग्णालयामध्ये दाखल करण्यात आले आहे.
पुणे-नाशिक महामार्गावर चंदनापुरी घाटाच्या पायथ्याशी आनंदवाडी शिवारामध्ये एक स्विफ्ट कार, टाटा कार आणि दुधाचा टँकर अशा तीन वाहनांमध्ये हा अपघात झाला. अपघाताची माहिती मिळताच जिल्हा परिषद कृषी व पशुसंवर्धन सभापती अजय फटांगरे यांनी स्थानिकांच्या मदतीने जखमींना उपचारासाठी खाजगी रुग्णालयांमध्ये दाखल केले. अपघातानंतर या मार्गावरील वाहतूक एक तासापासून अधीक काळ ठप्प होती.
