अहमदनगर - भारतीय जनता पक्षाचे प्रवक्ते शाहनवाज हुसेन यांनी शिर्डीमध्ये साईबाबांचे दर्शन घेतले. साईदर्शनानंतर पत्रकारांशी बोलताना हुसेन यांनी पंतप्रधान नरेंद्र मोदी आहेत, तर सर्व काही शक्य आहे, असा विश्वास व्यक्त केला. तसेच ज्याप्रमाणे जम्मू व काश्मीरमध्ये आर्टिकल 370 रद्द केले, त्याचप्रमाणे काही दिवसात पाकिस्तानच्या ताब्यातील काश्मीर पण भारताच्या ताब्यात येईल, असे ते म्हणाले.
आता पाकिस्तान जास्त दिवस पाकव्याप्त काश्मीर आपल्या ताब्यात ठेवू शकणार नाही. त्याचे कारण म्हणजे इम्रान खान मानसिक तणावात आहेत, असे शाहनवाज हुसेन यांनी पत्रकांना सांगितले.
हेही वाचा साईबाबांच्या नगरीत रंगली देशभरातील पैलवानांची 'दंगल'
स्वामी चिन्मयानंद व हनी ट्रॅप याविषयी देशात काँग्रेस भारतीय जनता पक्षाला धारेवर धरत आहे. या मुद्यावर प्रश्न विचारल्यानंतर, 'सत्तर चुहे खाकर बिल्ली चली हज को', अशी काँग्रेसची भूमिका असल्याची त्यांनी टीका केली आहे. काँग्रेस स्वतःची प्रतिमा मलीन करत असून, त्यांनी दुसऱ्यावर चिखलफेक करू नये, असेही हुसेन पत्रकार परिषदेत म्हणाले.
