शिर्डी ठाणे जिल्हाप्रमुख आणि दिवंगत आनंद दिघे यांचे पुतणे केदार दिघे यांनी शिर्डीत येवुन साईबाबांच्या समाधीचे दर्शन घेतले आहे. त्याबरोबरच साईबाबांच्या मध्यान आरतीला हजेरी लावली आहे. साईबाबांच्या दर्शनानंतर केदार दिघे यांनी शिर्डीत पत्रकारांशी संवाद साधला आहे. प्रतिशिवसेना भवनावरुन दिघे यांनी शिंदे गटावर निशाणा साधला. ज्या देवळात देव नाही तीथे कुणाची श्रद्धा असणार ? Kedar Dighe on CM Eknath Shinde असं म्हणत एकनाथ शिंदे गटाकडून प्रतिशिवसेना उभारण्याच्या निर्णयावर केदार दिघे यांनी टिका केली आहे.
बाळासाहेबांनी सेना भवनाची वीट रचली आनंद दिघेंप्रमाणे माझ्या हातून लोकांची सेवा घडावी, अशी प्रार्थना साई चरणी केली आहे. मी दिघे साहेबांचा पुतण्या बाळासाहेबांचे कडवट विचार माझ्या रक्तात असल्याचं दिघे यांनी म्हटलं आहे. देवळात देव राहिल्याशिवाय त्या देवळाला महत्त्व येत नाही. बाळासाहेबांनी सेना भवनाची वीट रचली. त्यामुळे तिकडे लोक आस्थेने येतात. वेगळं नाव देऊन काहीही रचले तरी सेनाभवन आणि मातोश्रीचे महत्त्व तेच राहाणार असल्याचं केदार दिघे यांनी म्हटलं आहे. Kedar Dighe on CM Eknath Shinde शिवसेनाही बाळासाहेबांची आणि शिवसैनिकांची आहे. बाळासाहेबांनंतर सर्वसामान्य शिवसैनिकांचा उद्धव ठाकरेंवर विश्वास असून यापुढे उद्धव ठाकरे आणि आदित्य ठाकरेंवर विश्वास ठेवूनच शिवसेना पुढे जाईल असा विश्वास त्यांनी व्यक्त केला आहे.