अहमदनगर ( शिर्डी ) : देश विदेशातील करोडो भाविकांचे श्रद्धास्थान असलेल्या साईबाबांच्या शिर्डीत दररोज हजारो भाविक दर्शनासाठी येत असतात. तत्कालीन राष्ट्रपती रामनाथ कोविंद यांच्या हस्ते 2017 ला शिर्डी विमानतळाचे लोकार्पण झाल्यानंतर शिर्डी विमानतळाला मोठा प्रतिसाद मिळत आहे. आता साईबाबांच्या दर्शनासाठी भक्तांना रात्रीच्यावेळी देखील विमानाने पोहचणे शक्य होणार आहे. शिर्डी विमानतळावर आज 8 एप्रिलपासून नाईट लँडिंग सुविधा सुरू करण्यात येणार आहे.
साईंच्या काकड आरतीसाठी पोहोचता येणार भाविकांना : साईबाबांच्या मंदिरात पहाटे होणाऱ्या काकड आरतीला भाविक मोठ्या संख्येने उपस्थिती राहतात. मात्र अनेक भाविकांना वेळेवर पोहचताच येत नाही. याशिवाय काकड आरतीसाठी एक दिवस आधीच शिर्डीत यावे लागते. मात्र या नाईट लँडिंगमुळे भाविकांना आता पहाटे शिर्डीत येता येणार आहे. शिर्डी विमानतळ सुरू झाल्यापासून हैदराबाद, चैन्नई, दिल्लीसह बंगलोर इथून येणाऱ्या विमानांना मोठा प्रतिसाद मिळत आहे. नाईट लँडिंग सुविधेमुळे परिसरातील नागरिकांना मोठा दिलासा मिळणार आहे. तसेच विकासालाही अधिक चालना मिळणार हे मात्र नक्की आहे.
भाविकांच्या संख्येत होणार वाढ - शिर्डी विमानतळाला नाईट लँडिंगचा परवाना मिळाल्यामुळे शिर्डी यात्रा सुकर होणार आहे. शिर्डी साईबाबांच्या दर्शनासाठी विमानाने येणाऱ्या भाविकांच्या संख्येतसुद्धा मोठ्या प्रमाणात वाढ होणार आहे. त्यामुळे स्थानिक अर्थकारणाला गती मिळणार आहे. बाकी प्रक्रिया पूर्ण करुन, विमानाचे उन्हाळी वेळापत्रक लागू केले जाणार आहे. तेव्हा आता रात्रीच्या विमानसेवेला प्रारंभ होईल, असाही विश्वास अधिकार्‍यांनी व्यक्त केला आहे.
नाईट लँडिंगची सुविधा सुरू: आजपासून शिर्डी विमानतळावर नाईट लँडिंगची सुविधा सुरू होणार आहे. काकड आरतीमुळे ग्रामस्थांनासह शिर्डी ग्रामस्थ आणि भाविकांनामध्ये एक आनंदाचा वातावरण पहिला मिळते. आज रात्री 8 वाजेच्या दरम्यान दिल्लीहून इंडिगो कंपनीचे पाहिले विमान शिर्डी विमानतळावर उतरणार असल्याने या भाविकांचे काकडी आणि शिर्डी ग्रामस्थांकडून स्वागत करण्यात येणार आहे.
