अहमदनगर - जिल्ह्याच्या राहुरी परिसरातील एका शेतामध्ये काहीजण जुगार खेळत असल्याची माहिती मिळताच स्थानिक गुन्हे अन्वेषण विभागाने छापा टाकत 2 लाख ७३ हजारांच्या रोख रक्कमेसह 8 जुगाऱ्यांना रंगेहाथ पकडले.
राहुरीत जुगार अड्ड्यावर छापा
कोरोनाच्या पार्श्वभूमीवर राज्यात लॉकडाऊन सुरू असतानाही मोकळ-ओहळ येथील शेतीत हे जुगारी जुगार खेळत असल्याची चाहुल स्थानिक गुन्हे अन्वेषण विभागाच्या पोलिसांना लागली. संबंधित माहितीच्या आधारे पोलिसांना तत्काळ सापळा रचत या ठिकाणी छापा टाकला. या कारवाईत आरोपींकडून २ लाख ७३ हजार रुपयांची रोख रक्कमही जप्त करण्यात आली. याप्रकरणी साथीचे रोग अधिनियमसह आपत्ती व्यवस्थापन कायदा तसेच महाराष्ट्र जुगार कायद्यांतर्गत 8 आरोपींवर कारवाई करण्यात आली आहे.
