टोकियो - भारतीय कुस्तीपटू दीपक पुनियाची टोकियो ऑलिम्पिकमध्ये विजयी घौडदौड सुरू आहे. दीपक पुनियाने उपांत्यपूर्व फेरीच्या सामन्यात चीनच्या लीन याचा 6-3 ने पराभव करत थाटात उपांत्य फेरी गाठली. दरम्यान, दीपक पुनिया 86 किलो वजनी गटात भारताचे प्रतिनिधित्व करत आहे.
उपांत्यपूर्व फेरीत दीपक पुनियाचा सामना चीनच्या जुशेन लीन याच्याशी झाला. तेव्हा दीपकने हा सामना 6-3 अशा फरकाने जिंकला. टोकियो ऑलिम्पिकध्ये उपांत्य फेरी गाठणारा दीपक भारताचा दुसरा कुस्तीपटू आहे. याआधी रवी कुमार दाहियाने उपांत्य फेरी गाठली आहे.
दीपक पुनियाने उपउपांत्यपूर्व फेरीत नायजेरियाच्या कुस्तीपटूला चितपट करत उपांत्यपूर्व फेरी गाठली होती. दीपकने हा सामना 12-1 अशा फरकाने एकतर्फा जिंकला.
86 किलो वजनी गटाच्या उपउपांत्यपूर्व फेरीत दीपक पुनियाचा सामना नायजेरियाच्या एकरेकेम एगियोमोर याच्याशी झाला. या सामन्यात दीपक पुनियाने नायजेरियाच्या कुस्तीपटूरवर संपूर्ण वर्चस्व राखले. त्याने पहिला राउंडमध्ये 4 तर दुसऱ्या राउंडमध्ये 8 गुण घेतले. हा सामना दीपक पुनियाने एकतर्फा जिंकला.
हेही वाचा - Tokyo Olympics : कुस्तीपटू रवी कुमार दाहिया उपांत्यपूर्व फेरीत
हेही वाचा - Tokyo Olympics : नायजेरियाच्या कुस्तीपटूला चितपट करत दीपक पुनिया उपांत्यपूर्व फेरीत
