सातारा - येथील ११ बास्केटबॉल खेळाडूंची महाराष्ट्र राज्य संघात निवड झाली आहे. पाँडेचेरी, दिल्ली आणि छत्तीसगड येथील राष्ट्रीय स्पर्धेकरिता हे खेळाडू महाराष्ट्राचं नेतृत्व करणार आहेत.
कुणाल शिराळे, ध्रुव निकम, अथर्व परदेशी, ईफा इनामदार, ईश्वरी कुंभार, सिद्धी शिंदे, यशराजराजे महाडिक, तेजराज मांढरे, विवेक बडेकर, दिप अवकिरकर आणि सिद्धी बादापुरे अशी निवड झालेल्या खेळाडूंची नावे आहेत. हे सर्व खेळाडू रणजीत अकादमीत बास्केटबॉलचे धडे गिरवत आहेत.
अकलूज आणि सातारा येथे नुकत्याच झालेल्या राज्यस्तरीय आंतरशालेय बास्केटबॉल स्पर्धेत १४ व १९ वर्षांखालील वयोगटात रणजीत अकादमीच्या सातारा इंग्लिश मिडीयम स्कूलमधील मुलांच्या संघांनी कोल्हापूर विभागाचे प्रतिनिधित्व करताना दोन विजेतेपदे पटकावली. तर मुलींच्या गटात उपविजेतेपद मिळवले होते.
हेही वाचा - ६३ वी महाराष्ट्र केसरी स्पर्धा : माऊली जमदाडे, अक्षय मंगवडे करणार सोलापूरचं प्रतिनिधित्व
हेही वाचा - कुस्तीप्रेमींसाठी खुशखबर..! ६३ वी महाराष्ट्र केसरी स्पर्धा यंदा पुण्यात
