नवी दिल्ली : कतारमध्ये सध्या 22 वा फिफा विश्वचषक सुरु आहे. (FIFA World Cup 2022). जगभरातील लोक या स्पर्धेचा आनंद घेत आहेत. या खेळासाठी घोड्यासारखी ताकद आणि चपळता लागते. फुटबॉलला एकमेकांच्या गोल पोस्टमध्ये लाथ मारण्यासाठी खेळाडू त्यांच्या टाच-टू-नेक पॉवरचा वापर करतात. खेळाडूंचे प्रहार सहन करू शकणारे हे फुटबॉल जवळपास सर्वच देशांत आवश्यकतेनुसार बनवले जातात.
महिलांना मिळते अत्यंत कमी मजुरी : मीडिया रिपोर्ट्सनुसार, फिफा वर्ल्ड कपमध्ये वापरले जाणारे बहुतेक फुटबॉल पाकिस्तानमध्ये बनवले जातात. तेथील महिला त्यांची शिलाई करतात. मात्र त्यासाठी त्यांना अत्यंत कमी मजुरी मिळते. त्याच वेळी, विश्वचषक स्पर्धेतील विजेत्यापासून 32 व्या स्थानापर्यंतच्या संघांना 1,331 कोटी रुपयांची बक्षीस रक्कम वितरित केली जाईल. वृत्तानुसार, पाकिस्तानच्या ईशान्येकडील काश्मिरी सीमेला लागून असलेल्या सियालकोटमध्ये फिफासाठी फुटबॉल बनवले जातात. (Footballs made in Pakistan).
एका दिवसात तीन फुटबॉल तयार होतात : जगात वापरल्या जाणारे दोन तृतीयांश फुटबॉल फक्त सियालकोटमध्ये बनवले जातात. येथे फुटबॉल तयार होण्याचे एक कारण म्हणजे येथे मिळणारे स्वस्त मजूर. फुटबॉल बनवण्यासाठी खूप मेहनत घ्यावी लागते. येथे त्यासाठी खूप कमी मजुरी दिली जाते. एका चेंडूला शिलाई करण्यासाठी सुमारे तीन तास लागतात. एक महिला एका दिवसात तीन चेंडू बनवते. त्या बदल्यात तिला दिवसाला ४८० रुपये आणि महिन्याला सुमारे ९,६०० रुपये मिळतात.
हजारो लोक फुटबॉल बनवण्याच्या कामात गुंतले : सियालकोटमध्ये 60 हजारांहून अधिक लोक फुटबॉल बनवण्याचे काम करतात. फुटबॉल हाताने शिवलेला असतो, ज्यामुळे चेंडू मशीनने शिवलेल्या बॉलपेक्षा अधिक स्थिर आणि घट्ट होतो. मजबूत असल्याने ते अधिक टिकाऊ असतात.
