ICC Womens T20 World Cup 2023 : महिला टी-20 विश्वकपमध्ये होणार भारताची वेस्ट इंडीजशी जोरदार लढत, पाहुयात दोन्ही संघांचे बलाबल

महिला T20 विश्वचषक स्पर्धेत, भारतीय महिला संघ या स्पर्धेतील 9वा सामना वेस्ट इंडिजविरुद्ध खेळणार आहे. विश्वकपमधील हा सामना उद्या म्हणजे १५ फेब्रुवारी रोजी केपटाऊन येथील न्यूलँड्स मैदानावर दोन्ही संघांमध्ये होणार आहे. पाहुयात कोणत्या संघाचा बलाबल अधिक असणार आहे.

नवी दिल्ली : महिला टी-२० विश्वचषक २०२३ स्पर्धेत भारतीय महिला संघ 'ब' गटात आहे. बुधवार, 15 फेब्रुवारी रोजी संध्याकाळी 6.30 वाजता केपटाऊनच्या न्यूलँड्स मैदानावर टीम इंडिया आणि वेस्ट इंडिज यांच्यात चुरशीचा सामना पाहायला मिळणार आहे. या स्पर्धेत टीम इंडियाने पहिल्या सामन्यात पाकिस्तानचा ७ विकेटने पराभव केला. अशाप्रकारे महिलांच्या टी-२० स्पर्धेत भारतीय संघाने शानदार सुरुवात केली. आता वेस्ट इंडिजबरोबर होणाऱ्या सामन्यात टीम इंडियाची विजयाची शक्यता आहे. यासोबतच भारताचा संघ गेल्या सामन्यात इंग्लंडकडून पराभूत झाला आहे.

आंतरराष्ट्रीय क्रमवारीत टीम इंडिया वेस्ट इंडिजपेक्षा पुढे : टी-20 आंतरराष्ट्रीय क्रमवारीत टीम इंडिया वेस्ट इंडिजपेक्षा पुढे आहे. टीम इंडिया आणि वेस्ट इंडिज यांच्यात आतापर्यंत टी-20 आंतरराष्ट्रीय सामने खेळले गेले आहेत. यामध्ये सर्वात मोठी गोष्ट म्हणजे भारतीय महिला संघाने या 20 सामन्यांपैकी 12 सामने जिंकले आहेत. त्याचबरोबर वेस्ट इंडिज संघाने 20 पैकी केवळ 8 सामने जिंकले आहेत. यावरून टीम इंडियाचा वरचष्मा असल्याचे स्पष्ट झाले असून, 15 फेब्रुवारी रोजी होणाऱ्या सामन्यात भारत वेस्ट इंडिजशी टक्कर देऊ शकतो. या सामन्याचे थेट प्रक्षेपण स्टार स्पोर्ट्स नेटवर्कच्या विविध वाहिन्यांवर उपलब्ध होणार आहे. यासोबतच डिस्ने + हॉट स्टार अॅपवरही तुम्ही लाइव्ह स्ट्रीमिंग पाहू शकाल.

दोन्ही संघांच्या खेळाडूंची यादी :

भारतीय महिला संघातील खेळाडू : हरमनप्रीत कौर (कर्णधार), स्मृती मंधाना, शेफाली वर्मा, यास्तिका भाटिया, रिचा घोष, जेमिमा रॉड्रिग्स, हरलीन देओल, दीप्ती शर्मा, देविका वैद्य, राधा यादव, रेणुका ठाकूर, अंजली यांचा समावेश आहे. वस्त्रकार, राजेश्वरी गायकवाड, शिखा पांडे असतील.

वेस्ट इंडिज महिला संघ : हेली मॅथ्यूज (क), शीमन कॅम्पबेल, आलिया अॅलिनी, शमिलिया कोनेल, अ‍ॅफी फ्लेचर, शबिका गजनाबी, चिनेल हेन्री, त्रिशेन होल्डर, जेनाबा जोसेफ, शेडीन नेशन, करिश्मा रामर्क, शकीरा सेलमन, स्टॅफनी टेलर, राशाना टेलर. जादा जेम्स असतील.

भारताने मिळवला होता पाकिस्तानवर शानदार विजय : महिला टी-२० विश्वचषक स्पर्धेच्या चौथ्या सामन्यात भारताने पाकिस्तानचा 7 गडी राखून पराभव केला होता. या सामन्यात भारतीय संघाने प्रथम गोलदाजी करण्याचा निर्णय घेतला होता. पाकिस्तान संघाने प्रथम फलंदाजी करीत २० षटकांत ४ बाद १४९ धावा केल्या आहे. पाकिस्ताने भारतीय संघासमोर १५० धावांचे लक्ष्य ठेवले होते. महिला T20 विश्वचषक 2023 मधील पहिल्या सामन्यात भारताने पाकिस्तानचा 7 गडी राखून पराभव केला. प्रथम फलंदाजी करताना पाकिस्तानने 150 धावांचे लक्ष्य दिले होते. प्रत्युत्तरात भारताने 19 षटकांत 3 गडी गमावून पाकिस्तानचा धुव्वा उडवला. जेमिमा रॉड्रिग्जने भारतीय संघासाठी चांगली कामगिरी करीत नाबाद अर्धशतक झळकावले. तसेच रिचा घोष, राधा यादव यांनीही महत्त्वाचे योगदान दिले.

हेही वाचा : Womens IPL Auction 2023 : महिला आयपीएल लिलाव झाल्याने पाच संघांची यादी स्पष्ट; पाहूया कोणत्या खेळाडूंना मिळाली कुठली टीम