माउंट मौनगानुई: भारत आणि न्यूझीलंड यांच्यातील दुसरा टी-20 आज माउंट माउंगानुईच्या बे ओव्हल मैदानावर खेळला जात आहे. न्यूझीलंडने नाणेफेक जिंकली आहे. वेलिंग्टनमध्ये पावसामुळे पहिला सामना रद्द झाला होता.
दोन्ही संघातील 11 खेळाडू
भारत : इशान किशन, ऋषभ पंत (यष्टीरक्षक), सूर्यकुमार यादव, श्रेयस अय्यर, दीपक हुडा, हार्दिक पंड्या (कर्णधार), वॉशिंग्टन सुंदर, भुवनेश्वर कुमार, अर्शदीप सिंग, मोहम्मद सिराज, युझवेंद्र चहल.
न्यूझीलंड: फिन ऍलन, डेव्हॉन कॉनवे (विकेटकीपर), केन विल्यमसन (क), ग्लेन फिलिप्स, डॅरिल मिशेल, जेम्स नीशम, मिचेल सँटनर, ईश सोधी, टिम साऊदी, अॅडम मिल्ने, लॉकी फर्ग्युसन.
खेळपट्टी आणि हवामान: 2 वर्षांनंतर या मैदानावर टी-२० आंतरराष्ट्रीय सामना खेळवला जाईल. या मैदानावर पहिल्या डावातील सरासरी धावसंख्या १९९ इतकी आहे. जरी येथे फिरकीपटू अधिक प्रभावी ठरले आहेत. आजच्या सामन्यावरही पावसाचा परिणाम होऊ शकतो.
51 चेंडूंचा सामना करत नाबाद 111 धावा: भारत आणि न्यूझीलंड यांच्यातील T20 मालिकेतील दुसरा सामना माऊंट मौनगानुई येथे खेळला जात आहे. या सामन्यात टीम इंडियाने न्यूझीलंडला विजयासाठी 192 धावांचे लक्ष्य दिले होते. यादरम्यान सूर्यकुमार यादवने झंझावाती कामगिरी करत शतक झळकावले. सूर्याच्या फलंदाजीसमोर न्यूझीलंडचे गोलंदाज पूर्णपणे अपयशी ठरले. त्याने केवळ 51 चेंडूंचा सामना करत नाबाद 111 धावा केल्या. सूर्यकुमारच्या खेळीत 11 चौकार आणि 7 षटकारांचा समावेश होता. न्यूझीलंडकडून टीम साऊदीने ३ बळी घेतले.
टीम इंडियाची सुरुवात: नाणेफेक हरल्यानंतर प्रथम फलंदाजी करणाऱ्या टीम इंडियाची सुरुवात चांगली झाली नाही. सलामीवीर ऋषभ पंत अवघ्या 6 धावा करून बाद झाला. यानंतर ईशान किशनने सूर्यकुमार यादवसोबत महत्त्वपूर्ण भागीदारी केली. यानंतर ईशान 31 चेंडूत 36 धावा करून बाद झाला. त्याने 5 चौकार आणि 1 षटकार मारला. यानंतर श्रेयस अय्यर फलंदाजीला आला. पण त्यांनाही विशेष काही करता आले नाही. अय्यर 13 धावा करून बाद झाला. त्याने 9 चेंडूंचा सामना करताना एक चौकार आणि एक षटकार ठोकला.
सूर्यकुमार शेवटपर्यंत राहिला: हार्दिक पंड्या 13 चेंडूत 13 धावा करून बाद झाला. तर दीपक हुडाला खातेही उघडता आले नाही. पहिल्याच चेंडूवर तो झेलबाद होऊन पॅव्हेलियनमध्ये परतला. वॉशिंग्टन सुंदरही पहिल्याच चेंडूवर झेलबाद झाला. त्यांना खातेही उघडता आले नाही. सूर्यकुमार शेवटपर्यंत राहिला. त्याने 51 चेंडूंचा सामना करत नाबाद 111 धावा केल्या. सूर्याने या खेळीत 7 षटकार आणि 11 चौकार लगावले. यादरम्यान त्याचा स्ट्राइक रेट 217.65 होता. अशा प्रकारे टीम इंडियाने 20 षटकांत 6 विकेट गमावून 191 धावा केल्या. न्यूझीलंडकडून टीम साऊदीने चांगली गोलंदाजी केली. त्याने 4 षटकात 34 धावा देत 3 बळी घेतले. ईश सोधीने एक विकेट घेतली. त्याने 4 षटकात 35 धावा दिल्या. अॅडम मिल्नेने 4 षटकात 35 धावा दिल्या. तरीही त्याला एकही विकेट मिळाली नाही. लॉकी फर्ग्युसनने 4 षटकांत 49 धावा देत 2 बळी घेतले.
