नाशिक : इंग्लंड येथील केंट शहरात झालेल्या इंटरनॅशनल फिल्ड असोसिएशनद्वारे आयोजित ‘वर्ल्ड इनडोअर आर्चरी चॅम्पियनशिप 2023’ या आंतरराष्ट्रीय धनुर्विद्या स्पर्धेत माजी मंत्री छगन भुजबळ यांच्या नातींनी मोठा विक्रम केला आहे. माजी मंत्री छगन भुजबळ तथा आमदार पंकज भुजबळ यांच्या दोन्ही मुली कु. देविशा व कु. तनिष्का पंकज यांनी सुवर्ण कामगिरी करीत भारताला सुवर्णपदक मिळवून दिले आहे. भारतासाठी गोल्ड मेडल मिळविल्याबद्दल त्यांचे सर्व स्तरांतून कौतुक होत आहे.
भारताचे 12 स्पर्धक विविध वयोगटांत सहभागी : छगन भुजबळ यांच्या नाती कु. देविशा व कु. तनिष्का या दोघीही भुजबळ नॉलेज सिटी एमईटी मुंबई या विद्यालयाच्या विद्यार्थिनी आहेत. इंग्लडच्या मेडवे पार्क स्पोर्ट्स सेंटर, गिलिंगहॅम, केंट येथे 13 ते 18 फेब्रुवारीमध्ये आयोजित केलेल्या आंतरराष्ट्रीय धनुर्विद्या स्पर्धेत 38 देशांतील 568 खेळाडूंनी सहभाग घेतला होता. या स्पर्धेत भारताचे 12 स्पर्धक विविध वयोगटांत आणि वेगवेगळ्या धनुष्य प्रकारात सहभागी झाले होते.
महापौर सौ. जेन अल्डोस यांच्या हस्ते उद्घाटन : या स्पर्धेत देविशा भुजबळ हिने 19 वर्षांखालील कम्पाऊंड ब गटात सुवर्णपदक आणि तनिष्का भुजबळ हिने 17 वर्षांखालील कम्पाऊंड ब गटात 1 सुवर्णपदक मिळवून आंतरराष्ट्रीय स्तरावर भारताचे नाव उज्जवल केले आहे. भारतीय संघ हा फिल्ड आर्चरी असोसिएशन ऑफ इंडियाच्या बॅनरखाली खेळला होता. या स्पर्धेचे उद्घाटन मिडवे केंटच्या महापौर सौ. जेन अल्डोस आणि श्री. टॉनी अल्डोस तसेच आंतरराष्ट्रीय फील्ड आर्चरी असोसिएशनचे अध्यक्ष मार्टिन कोइनी, उपाध्यक्ष स्टिफन केंड्रीक, उपाध्यक्ष मेरियेट फ्रायर, सचिव लेन एलिंगवर्थ आणि इंग्लंड फील्ड आर्चरी असोसिएशनचे अध्यक्ष डेव मुरे यांच्या हस्ते पार पडले.
वर्ल्ड इनडोअर आर्चरी चॅम्पियनशिप 2023 : इंग्लंडच्या केंट शहरात इंटरनॅशनल फिल्ड असोसिएशनद्वारे आयोजित ‘वर्ल्ड इनडोअर आर्चरी चॅम्पियनशिप 2023’ या आंतरराष्ट्रीय धनुर्विद्या स्पर्धेत महाराष्ट्राचे माजी मंत्री तथा राष्ट्रवादीचे नेते छगन भुजबळ यांच्या नाती देविशा व तनिष्का भुजबळ यांनी सुवर्ण कामगिरी करीत भारताला गोल्ड मेडल मिळवून दिले आहे. भारतासाठी गोल्ड मेडल मिळविल्याबद्दल त्यांचे सर्व स्तरांतून कौतुक होत आहे. देविशा व तनिष्का या दोघीही भुजबळ नॉलेज सिटी एमईटी मुंबई या विद्यालयाच्या विद्यार्थिनी आहेत.
गुलमर्ग (जम्मू आणि काश्मीर) : सध्या काश्मीर खोऱ्यातील गुलमर्ग येथे तिसऱ्या खेलो इंडिया हिवाळी स्पर्धेचा समारोप झाला. समारोप समारंभात विविध खेळांमध्ये सहभागी झालेल्या खेळाडूंनी हिंदी गाण्यांवर नृत्य करून विजयोत्सव साजरा केला. या स्पर्धेत 29 राज्ये आणि केंद्रशासित प्रदेशातील 1500 हून अधिक खेळाडूंनी सक्रिय सहभाग घेतला होता. स्पर्धेत आइस स्केटिंग, स्पीड स्केटिंग, फिगर स्केटिंग, आइस हॉकी, बॅंडी, कर्लिंग, आइस स्टॉक्स, स्कीइंग, स्नोबोर्डिंग, स्नो शू रेस, बॉब स्लेज इत्यादी खेळांचा समावेश होता.
हेही वाचा : Venkatesh Prasad on KL Rahul : केएल राहुलच्या फलंदाजीवर संतापले व्यंकटेश प्रसाद, म्हणाले..
