नवी दिल्ली - भारतीय महिला हॉकी संघ न्यूझीलंडच्या दौऱ्यावर जाणार आहे. २५ जानेवारीपासून सुरू होणाऱ्या या दौऱ्यासाठी भारतीय महिला संघाची घोषणा करण्यात आली आहे. भारताची आघाडीवीर राणी रामपाल हिच्याकडे संघाचे नेतृत्व सोपविण्यात आले आहे.
हॉकी इंडियाने न्यूझीलंड दौऱ्यासाठी २० सदस्यीय संघ जाहीर केला आहे. यात राणीला कर्णधार तर गोलरक्षक सविता हिच्याकडे उपकर्णधारपदाची जबाबदारी सोपण्यात आली आहे. या दौऱ्यातील भारताचा पहिला सामना न्यूझीलंडच्या डेव्हलपमेंट संघाविरुद्ध २५ जानेवारीला खेळला जाईल.
न्यूझीलंडच्या महिला संघाविरुद्ध २७ आणि २९ जानेवारीला उर्वरित दोन सामने होतील. त्यानंतर भारतीय संघ ४ फेब्रुवारीला ग्रेट ब्रिटनशी दोन हात करेल आणि ५ फेब्रुवारीला न्यूझीलंडच्या महिला संघाविरुद्ध होणाऱ्या सामन्याने या दौऱ्याची सांगता होईल.
- भारताचा महिला हॉकी संघ -
राणी रामपाल (कर्णधार), सविता (गोलरक्षक), रजनी इथिमार्पू, दीप ग्रेस इक्का, गुरजित कौर, रिना खोखार, सलिमा टेटे, सुशीला चानू, निशा, नमिता टोप्पो, उदिता, मोनिका, लिलिमा मिन्झ, नेहा, सोनिका, शर्मिला देवी, नवनीत कौर, लालरेमसियामी, वंदना कटारिया, नवज्योत कौर.
हेही वाचा - भारतीय हॉकी संघाची डिफेंडर सुनिता लाकडाची निवृत्ती
हेही वाचा - टोकियो ऑलिम्पिक स्पर्धेत भारताचा सलामीचा सामना बलाढ्य अर्जेंटिनाशी
