डुसेलडोर्फ (जर्मनी) - भारतीय महिला हॉकी संघाला जर्मनी दौऱ्यात सलग दुसऱ्या पराभवाला समोरे जावे लागले. यजमान संघाने दुसरा सामना १-० अशा फरकाने जिंकत चार सामन्याचा मालिकेत २-० ने आघाडी घेतली आहे.
आज खेळवण्यात आलेल्या दुसऱ्या सामन्यात जर्मनीकडून मिडफिल्डर एमेली वॉर्टमॅन हिने २४ व्या मिनिटाला सामन्यातील एकमात्र गोल केला. यजमान संघाने सामन्याच्या अखेरपर्यंत ही आघाडी कायम राखली. भारतीय खेळाडूंना गोल करण्यात अपयश आलं आणि जर्मनीने दुसरा विजय नोंदवला.
जर्मनीने पहिला सामना ५-० अशा फरकाने जिंकला होता. भारतीय संघाला सलग दोन सामन्यात एकही गोल करता आलेला नाही. उभय संघातील तिसरा सामना मंगळवारी खेळला जाणार आहे.
हेही वाचा - Exclusive: माजी हॉकीपटू धनराज पिल्ले यांच्याशी नरेंद्र मोदी क्रिकेट स्टेडियम विषयावरुन खास बातचित
हेही वाचा - महिला हॅाकी : जर्मनीने भारतीय संघाचा ५-० ने उडवला धुव्वा
