नवी दिल्ली : महिला प्रीमियर लीगमध्ये स्मृती मानधनाच्या संघाचा पराभव करण्यासाठी एलिसा हिलीच्या नेतृत्वाखालील यूपी वॉरियर्स मैदानात उतरणार आहे. 12 मार्च रोजी मुंबई इंडियन्सने वॉरियर्सचा 8 गडी राखून पराभव केला होता. त्याचवेळी रॉयल चॅलेंजर्स बंगळुरू (RCB) ला आतापर्यंत एकही सामना जिंकता आलेला नाही. आरसीबीला आजच्या सामन्यासह आणखी दोन सामने खेळायचे आहेत. जर आरसीबीने तिन्ही सामने जिंकले तर नेट रनरेटनुसार ते पहिल्या तीनमध्ये स्थान मिळवू शकतात. पण ते इतके सोपे होणार नाही. आरसीबीला इतर संघांच्या पराभव आणि विजयावरही अवलंबून राहावे लागणार आहे.
रॉयल चॅलेंजर्स बंगळुरूला बाद फेरी गाठण्याची संधी : जर यूपी वॉरियर्सने त्यांचे उर्वरित सर्व सामने गमावले तर रॉयल चॅलेंजर्स बंगळुरूला बाद फेरी गाठण्याची संधी असेल. पाचही सामने हरले असले तरी, रॉयल चॅलेंजर्स बंगळुरूचा नेट रन रेट (NRR) गुजरात जायंट्स (-2.109 ते -3.397) पेक्षा चांगला आहे. हे विचित्र वाटत असले तरी भूतकाळात असे घडले आहे. 2015-16 महिला बिग बॅश लीगमध्ये, सिडनी सिक्सर्सने उपांत्य फेरीसाठी पात्र होण्यासाठी सलग आठ सामने जिंकण्यापूर्वी त्यांचे पहिले सहा सामने गमावले.
आरसीबी पॉइंट टेबलमध्ये शून्य पॉइंटसह शेवटच्या स्थानावर : आयपीएल 2014 मध्ये, मुंबई इंडियन्सने त्यांचे सुरुवातीचे पाच सामने गमावले. त्यानंतर प्लेऑफमध्ये पोहोचण्यासाठी त्यांच्या पुढील नऊपैकी सात सामने जिंकले. आता जर रॉयल चॅलेंजर्सने त्यांचे पुढील तीन सामने जिंकले तर त्यांना प्लेऑफचे तिकीट घेता येईल. यासाठी स्मृती मानधना यांच्या टीमला मेहनत घ्यावी लागणार आहे. आरसीबी पॉइंट टेबलमध्ये शून्य पॉइंटसह शेवटच्या स्थानावर आहे. डब्ल्यूपीएलमध्ये आज यूपी वॉरियर्स आणि रॉयल चॅलेंजर्स बंगळुरू यांच्यात सामना होणार आहे. डीवाय पाटील स्टेडियमवर संध्याकाळी साडेसात वाजता हा सामना सुरू होईल. स्मृती मानधना यांच्या नेतृत्वाखालील आरसीबी सहावा सामना खेळणार आहे.
हेही वाचा : Ban Vs Eng T20 : बांगलादेशने रचला इतिहास!, विश्वविजेत्या इंग्लंडचा टी-20 मालिकेत 3-0 ने पराभव
