Kiran Navgire in WPL : धोनीच्या जब्रा फॅनने पहिल्याच सामन्यात केली शानदार खेळी, किरण नवगिरेने झळकावले अर्धशतक

डब्ल्यूपीएल 2023 च्या तिसऱ्या सामन्यात यूपी वॉरियर्जने गुजरात जायंट्सचा 3 गडी राखून पराभव केला. डब्ल्यूपीएलमधील गुजरातचा हा दुसरा पराभव आहे. या सामन्यात किरण नवगिरेने शानदार खेळी केली. विजयानंतर तिची फलंदाजी चांगलीच व्हायरल होत आहे.

नवी दिल्ली : यूपी वॉरियर्सने डब्ल्यूपीएलमध्ये विजयाने सुरुवात केली आहे. गुजरात जायंट्सने यूपी वॉरियर्सला विजयासाठी 170 धावांचे लक्ष्य दिले होते. अ‍ॅलिसा हॅलीच्या संघाने हे लक्ष्य 19.5 षटकांत पूर्ण केले आणि सामना जिंकला. यूपी वॉरियर्सकडून ग्रेस हॅरिसने सर्वाधिक 59 धावा केल्या. तिला सामनावीर म्हणून निवडण्यात आले. ग्रेसनंतर महाराष्ट्राची खेळाडू किरण नवगिरे हिने सर्वाधिक धावा केल्या. किरणने 43 चेंडूत 53 धावा केल्या. तिने या खेळीत पाच चौकार आणि दोन षटकार मारले. ज्या बॅटने या धावा केल्या होत्या त्यावर 'MSD 07' लिहिले होते. यावरून किरण 'एम.एस. धोनी'चा डाय हार्ट फॅन असल्याचे दिसून येते.

• WHAT. A. WIN! 🎉#UPWarriorzUttarDega #WPL pic.twitter.com/6AlXpkBICW

  — UP Warriorz (@UPWarriorz) March 5, 2023 " class="align-text-top noRightClick twitterSection" data="

  WHAT. A. WIN! 🎉#UPWarriorzUttarDega #WPL pic.twitter.com/6AlXpkBICW

  — UP Warriorz (@UPWarriorz) March 5, 2023

  ">

  WHAT. A. WIN! 🎉#UPWarriorzUttarDega #WPL pic.twitter.com/6AlXpkBICW

  — UP Warriorz (@UPWarriorz) March 5, 2023

किरण नवगिरे आहे धोनीची फॅन : किरण नवगिरेची फलंदाजी सोशल मीडियावर चांगलीच व्हायरल होत आहे. किरणने डब्ल्यूपीएलच्या पहिल्याच सामन्यात MSD 07 च्या बॅटने अर्धशतक झळकावले. किरणसाठी ही संस्मरणीय खेळी ठरली आहे. आंतरराष्ट्रीय क्रिकेटमधून निवृत्ती घेतलेला भारताचा माजी कर्णधार महेंद्रसिंग धोनी आयपीएल 16 मध्ये खेळताना दिसणार आहे. धोनी चेन्नई सुपर किंग्जमध्ये खेळतो. आजकाल तो खूप सराव करत आहे.

पहिल्याच सामन्यात शानदार खेळी : किरण प्रभू नवगिरे महाराष्ट्रातील आहे. 28 वर्षांची किरण प्रभू नवगिरे ही महाराष्ट्राची आहे. किरणने 10 सप्टेंबर 2022 रोजी भारतीय महिला क्रिकेट संघात T20 आंतरराष्ट्रीय क्रिकेटमध्ये पदार्पण केले. किरणने पहिला सामना इंग्लंडविरुद्ध खेळला. तिला सहा टी-20 सामन्यांमध्ये चार वेळा फलंदाजीची संधी मिळाली पण तिने आपली उत्तम खेळी दाखवली नाही. तिला चार डावात केवळ 17 धावा करता आल्या. नाबाद 10 ही तिची सर्वोच्च धावसंख्या आहे. पण डब्ल्यूपीएलच्या पहिल्या मोसमातील पहिल्याच सामन्यात किरण नवगिरेने शानदार खेळी करत आपले कौशल्य दाखवून दिले. नवगिरेने आपले अर्धशतक झळकावलेल्या बॅटवर 'MSD 07' असे लिहिले होते. किरण नवगिरे ही एमएसडीची मोठी चाहती आहेत.

हेही वाचा : Sania Mirza Last Match : सानिया मिर्झाचा टेनिसला अलविदा! जिथून कारकिर्दीला सुरुवात केली तेथेच खेळला अखेरचा सामना